ވެލާނާ އިންޓަނޭޝަނަލް އެއާޕޯޓުން މިރޭ 11:30 އެހާއިރުން ފެށިހެން ކަރަންޓް ކެނޑި އެއާޕޯޓްގެ އޮޕަރޭޝަނަށް ބުރޫ އަރައިފިއެވެ.
އިންޓަނޭޝަނަލް ޓާމިނަލާއި ޑޮމެސްޓިކް ޓާމިނަލުންވެސް އެއްކޮށް ކަރަންޓް ގޮސްފައިވާއިރު އެއާޕޯޓްގައި އަލިކަމެއް ނެތެވެ. ކަރަންޓް ކެނޑުނު އިރު ބައެއް ފްލައިޓްތައް ފުރުމަށް ތައްޔާރުވެފައި ވީނަމަވެސް ކަރަންޓް ކެނޑުމުގެ ސަބަބުން އެ ބޯޓްތައް ފުރުމަށްވެސްވަނީ ހުރަސް އެޅިފައެވެ.
އެއާޕޯޓްގައި ހުރި މީހަކުބުނީ ކަރަންޓް ކެނޑުނު ސަބަބެއް ސާފު ނުވާ ކަމުގައެވެ.
ކަރަންޓް ކެނޑުނު ސަބަބާއި ގުޅޭގޮތުން އެއާޕޯޓް ކޮމްޕެނީގެ ބަހެއްވެސް އަދި ނުލިބެއެވެ.