ޖުމްހޫރީ ޕާޓީގެ ލީޑަރު ގާސިމް އިބްރާހީމް ހައްޔަރުކުރި މައްސަލަ އަދާލަތު ޕާޓީން ކުށްވެރިކޮށްފި އެވެ.
އަދާލަތު ޕާޓީން މީގެ ކުޑައިރުކޮޅެއް ކުރިން ކޮށްފައިވާ ޓްވީޓެއްގައި ބުނެފައިވަނީ ގާސިމް އިބްރާހީމް ހައްޔަރުކުރުން އެޕާޓީން ކުށްވެރިކުރާ ކަމަށެވެ. އަދި ގާސިމް މިނިވަން ކުރުމަށްވެސް އެޕާޓީން ވަނީ ގޮވާލާފަ އެވެ.
އަދާލަތު ޕާޓީން އިތުރަށް ބުނީ ގާސިމް އިބްރާހީމް ހައްޔަރުކުރީ މިމަހުގެ 11 ވަނަ ދުވަހު ރައްޔިތުންގެ މަޖިލީހުގެ ނައިބް ރައީސް މޫސާ މަނިކުގެ އިތުބާރު ނެތް ކަމުގެ ވޯޓު ނެގުމަށް އެޖެންޑާކޮށްފައިވާތީ އެމައްސަލައަށް ނުފޫޒު ފޯރުވުމަށް ކަމަށެވެ.