ކަރަންޓު ކެނޑިފައިވާ ސަރަހައްދުތަކަށް އަނބުރާ ހިދުމަތް ދިނުމަށް ހަ ގަޑިއިރު ވަރު ހޭދަވާނެ ކަމަށް ސްޓެލްކޯ އިން ހާމަކޮށްފިއެވެ.
ސްޓެލްކޯއިން މިއަދު ނެރުނު ދެންނެވުމެއްގައި ބުނެފައިވަނީ އެ ކުންފުނީގެ ކަރަންޓު ފޯރުކޮށްދިނުމަށް 2001 ވަނަ އަހަރު ބެހެއްޓިފައިވާ 66 ނަންބަރު ސަބްސްޓޭޝަންގެ ޓްރާންސްފޯމަރަކުން ބޭނުންކުރެވޭ ވަރު އިތުރުވަމުން ދިއުމުގެ ސަބަބުން ފޯމަރަށް ލިބުނު ގެއްލުމާއި ގުޅިގެން ކޯރުކެނޑި ހިނގުމާއި އެމަގާއި ގުޅިފައިވާ ސަރަހައްދުތަކުން ކަރަންޓުގެ ހިދުމަތް ކެނޑިފައިވާ ކަމަށެވެ.
އާ ޓްރާންސްފޯމަރެއް ބަހައްޓައި ހިދުމަތް ދިނުމަށް މަސައްކަތް ކުރަމުންދާ ކަމަށް އެ ކުންފުނިން ވަނީ ބުނެފައެވެ.
ޓްރާންސްފޯމަރަށް ދިމާވި މައްސަލައަކާއި ގުޅިގެން މާލޭގެ ބައެއް ސަރަހައްދުތަކުން ކަރަންޓު ކެނޑުނުކަން ސްޓެލްކޯއިން ހާމަކުރީ މިއަދު 13:38 ހާއިރުއެވެ.