މާލޭ ސިޓީ ކައުންސިލުގެ ވިލިމާފަންނު ދާއިރާގެ މެމްބަރު އަހުމަދު ހަމީދު(ފްލައި) ޖުމްހޫރީ ޕާޓީއަށް ސޮއިކުރައްވައިފިއެވެ.
ވިލިމާފަންނު ދާއިރާގެ ބައެއް ޒުވާނުންނާއެކު ފްލައި ޖުމްހޫރީ ޕާޓީއަށް ސޮއިކުރެއްވުމަށްފަހު ވިދާޅުވީ އެޕާޓީއަށް ސޮއިކުރެއްވީ ޤައުމުގެ މިވަގުތު ހާލަތު އޮތްގޮތުން އެހެން ހާލަތަކަށް ގެންދެވޭނެ ބޭފުޅަކީ ޤާސިމް އިބްރާހިމްކަމަށް ގަބޫލުކުރައްވާތީކަމުގައެވެ. ފްލައި މާލޭ ސިޓީކައުންސިލަށް ހޮވިވަޑައިގެންނެވީ ޑީއާރުޕީގެ ޓިކެޓްގައެވެ. ޑީއާރުޕީއަށް ބަދަލުވުމުގެ ކުރިންވެސް ފްލައި ހުންނެވީ ޖޭޕީގައެވެ. ފްލައިވަނީ ޖޭޕީގެ ޓިކެޓްގައި ރައްޔިތުންގެ މަޖިލީހަށްވެސް ވާދަކުރައްވާފައެވެ.
ޕާޓީ ބަދަލުކުރުމުން ކައުންސިލްގޮނޑި ނުގެއްލޭނެކަމަށް ސްޕްރީމް ކޯޓުން ހުކުމްކުރުމުން ފްލައި ސީއެންއެމްއަށް ވިދާޅުވީ ޑީއާރުޕީ ދޫކޮށް ޕީޕީއެމަށް ބަދަލުވާން ނިންމަވާފައިވާކަމުގައެވެ.