ކެންސަރު ބައްޔަށް ފަރުވާ ހޯދަމުން އަންނަ 18 އަހަރުން ދަށުގެ ގިނަ އަދަދެއްގެ ކުދިންނަށް، ރައީސުލްޖުމްހޫރިއްޔާގެ އަނބިކަނބަލުން މެޑަމް ފާތުމަތު އިބްރާހިމް އެހީވެ ވަޑައިގެންފިއެވެ.
މި ކުދިންނަށް މެޑަމް އެހީތެރިވެ ވަޑައިގަތީ، މިއަދު ހަވީރު މުލިއާގޭގައި ބޭއްވި ރަސްމިއްޔާތެއްގައެވެ.
މި ރަސްމިއްޔާތުގައި ވާހަކަދައްކަވަމުން މެޑަމް ފާތުން ވިދާޅުވީ، ކެންސަރު ބައްޔަކީ ވެސް މިހާރު ފަރުވާ ހޯދޭ ބައްޔެއްކަމުން، މި ބައްޔަށް ފަރުވާ ހޯދަން ބޭނުންވެފައިވާ ފަރާތްތަކަށް އެހީއެއް ދެވޭތީ އެކަމާ އުފާކުރައްވާ ކަމަށެވެ.
މެޑަމް ވިދާޅުވި ގޮތުގައި ކެންސަރު ބަލީގެ ވޭނާއި ތަދު އިހުސާސްވުމުން، ބައެއް ފަރާތްތަކުން ދިރުއުޅުން މަތިން ފޫހިވެ މާޔޫސްވެއެވެ. އެފަދަ ފަރާތްތަކަށް މެޑަމް ފާތުން ވަނީ، މާޔޫސްނުވެ ކޮންމެ ދުވަހަކު ވެސް އުއްމީދު އާކުރުމަށް ގޮވާލައްވާފައެވެ.
މިއަދުގެ ރަސްމިއްޔާތުގައި އެންސްޕާ އަދި އާސަންދައިގެ އިސްވެރިން ބައިވެރިވެ ވަޑައިގެންނެވިއެވެ.