އިނގުރުފެނާއި އިނގުރު ސައި ބުއިމަކީ ހަށިގަނޑުގެ ދިފާއީ ނިޒާމު ވަރުގަދަކުރަން ފައިދާތަކެއް ލިބިދާނެ އެއްޗެކެވެ.  
ޖިންޖަރޯލް އަކީ ބޭސްވެރިކަމުގެ ސިފަތަކަށް ޒިންމާވާ މައިގަނޑު އެކްޓިވް ކޮމްޕައުންޑެކެވެ. ކުރެވިފައިވާ ތަޖުރިބާތަކުން އެނގޭ ގޮތުގައި ޖިންޖަރޯލް އިން ހަމައެކަނި އެންޓިއޮކްސިޑެންޓް އަދި އެންޓި-އިންފްލެމެޓަރީ އަސަރުތައް ފޯރުކޮށްދެނީއެއް ނޫނެވެ! ހަށިގަނޑުގައި އުފެދޭ ބައެއް ބާވަތުގެ ދުޅަތަކަށާ އިންފެކްޝަންތަކަށް ފަރުވާ ވެސް ލިބިދާނެ އެވެ. 
އިނގުރަކީ އާންމު ހުންތަކުން އަރައިގަތުމަށް ފައިދާހުރި އެންޓިވައިރަލް ކޮމްޕައުންޑްތަކެއް ހިމެނޭ ބާވަތެއް ކަމަށް މާޒީގެ ދިރާސާ ތަކުން ވަނީ ފާހަގަކުރެވިފައެވެ. މި ކޮމްޕައުންޑްތަކަކީ އާންމު ހުން އައުމާ ގުޅުން ހުރި ރިހުން، ހުމުގެ، އަދި ކެއްސުން ފިޓްޖެހުން ފަދަ ކަންކަމަށް ލުއި ދިނުމާ ގުޅުން ހުރި އެއްޗެކެވެ. 
އެހެން ނަމަވެސް އިނގުރުގެ ސަބަބުން ދިފާއީ ނިޒާމަށް ކުރާ އަސަރުތަކާއި ޚާއްސަކޮށް އިނގުރު ސައިގެ އަސަރުތަކަށް ބަލާފައިވަނީ މަދު ދިރާސާތަކެކެވެ. އިނގުރު ސައިއަކީ ދިފާއީ ނިޒާމުގެ ސިއްހަތަށް ފައިދާހުރި ދައުރެއް އަދާކުރެވޭނެ އެއްޗެއްކަން ނިންމުމަށް އިތުރު ދިރާސާތަކެއް ކުރަން ޖެހެ އެވެ. 
ބައެއް ތަޖުރިބާތަކުން އެނގެނީ ތައްޔާރީ ޓީބޭގް ބޭނުންކުރުމުގެ ބަދަލުގައި އިނގުރުކޮޅެއް ފެނުކައްކައި އެފެނުގައި ސައިބުއުއިމުން ކުރާ ފައިދާ ބޮޑުކަމެވެ. އިނގުރު ސައިބޯން އުނދަނގޫނަމަ އިނގުރު ކައްކައިގެން އިނގުރު ފެން ބުއުއިމުންވެސް ފައިދާކުރާނެއެވެ.
 
- މަޢުލޫމާތު: ޞިއްޙީ ޚަބަރު