އެސްޓީއޯ ޕީޕަލްސް ޗޮއިސްގެ ފަރާތުން ކޮންމެ އަހަރަކު ބާއްވާ "ރަމަޟާން ބާޒާރު" ޕްރޮމޯޝަން 2025 ވަނަ އަހަރުގެ ރަމަޟާން މަހަށް ހާއްސަކޮށްގެން ފަށައިފި އެވެ.މިއަހަރުގެ ރަމަޟާން ބާޒާރުގައި ބޮޑެތި އިނާމުތަކާއި އެކި ހަރަކާތްތައް ހިމެނޭއިރު، ކަސްޓަމަރުންނަށް 50 އިންސައްތައާ ހަމައަށް ހޯމް އެޕްލަޔަންސް އައިޓަމްތަކުން ޑިސްކައުންޓް ލިބޭނެއެވެ. އަދި 500 ރުފިޔާއިން މަތިން މުދާ ގަންނަ ކޮންމެ ފަހަރަކު ކޫޕަނެއް ލިބޭނެއެވެ. ކޮންމެ ހަފްތާއަކު ނަސީބުވެރި އެއް ފަރާތަކަށް ގިފްޓް ހެމްޕަރެއް ލިބޭނެ އެވެ.ޕްރޮމޯޝަންގެ ބޮޑު އިނާމުގެ ގޮތުގައި ގުރުއަތުން ހޮވޭ އެއް ފަރާތަކަށް 100,000 ރުފިޔާގެ ފައިސާގެ އިނާމެއް ލިބިގެންދާނެ އެވެ. މީގެ އިތުރުން، އާއިލީ ހަވީރަކާއި އިންސްޓޯރ ހަރަކާތްތައްވެސް ބޭއްވުމަށް އެސްޓީއޯއިން ވަނީ ނިންމާފަ އެވެ.އެސްޓީއޯ ރަމަޟާން ބަޒާރަކީ ވިޔަފާރިކުރާ ފަރާތްތަކުގެ ތެރޭގައި އެންމެ މަގުބޫލު އެއް ސޭލްއެވެ. އެހެން އަހަރު ތަކެކޭ އެއްގޮތަށް މި އަހަރުގެ އެސްޓީއޯ ރަމަޟާން ބަޒާރުގައި ވެސް ގިނަ ޑިސްކައުންޓް ތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ އަތޮޅުތެރޭ ޕީޕަލްސް ޗޮއިސްގެ ފިހާރަތަކުން ކަސްޓަމަރުންނަށް ލިބޭނެއެވެ.