ރާއްޖޭގައި ހަށިވިއްކުމުގެ ވިޔަފާރި ކުރަމުންދިޔަ ބިދޭސީ ދެ އަންހެނަކު ޑިޕޯޓް ކޮށްފައިވާ ކަމަށް މޯލްޑިވްސް އިމިގްރޭޝަނުން ހާމަކުރައްވައިފި އެވެ.އިމިގްރޭޝަން އިން ބުނީ ހަށިވިއްކުމުގެ ވިޔަފާރި ކުރަމުންދާ ކަމަށް ތުހުމަތު ކުރެވޭ ބިދޭސީންނަށް އަމާޒުކޮށް ފުލުހުންނާ ގުޅިގެން ކުރިއަށް ގެންދާ އޮޕަރޭޝަންގައި ފުޅާދާއިރާއެއްގައި ހަށިވިއްކުމުގެ ވިޔަފާރި ކުރަމުންދިޔަ ދެ ބިދޭސީން ބެލުމުގެ ދަށަށް ގެނެސްފައިވާ ކަމަށެވެ.އެއީ އުމުރުން 40 އަހަރާއި 41 އަހަރުގެ ވިއެޓްނާމް އަށް ނިސްބަތްވާ ދެ މީހުންނެވެ.އިމިގްރޭޝަން އިން ބުނީ އެކަކު ރާއްޖޭގައި އުޅެމުން ދިޔައީ ވޯކް ވިސާގައި ކަމަށާއި ދެވަނަ މީހާއަކީ ޓޫރިސްޓް ވިސާގައި ދިރިއުޅެމުން އައި މީހެއް ކަމަށެވެ.އެ ދެ މީހުން ވެސް ޑީޕޯޓް ކޮށްލާފައިވާ ކަމަށް އިމިގްރޭޝަނުން ބުންޏެވެ.އިމިގްރޭޝަނާއި ކަމާއި ބެހޭ އިދާރާތައް ގުޅިގެން ދަނީ ގަވާއިދާ ހިލާފަށް ރާއްޖޭގައި މަސައްކަތް ކުރަމުންދާ ބިދޭސީންގެ މައްސަލަ ހައްލުކުރުމަށް މަސައްކަތް ކުރައްވަމުންނެވެ. އެގޮތުން މިދިޔަ އަހަރު އެކަނިވެސް 5600 އަށްވުރެ ގިނަ ބިދޭސީން ޑިޕޯޓްކޮށްފައިވާ ކަމަށް މޯލްޑިވްސް އިމިގްރޭޝަނުން ބުނެ އެވެ.