އުމްރާވެރިން އެނބުރި އަންނާތީ މާދަމާ މެންދުރު ވެލާނާ އިންޓަނޭޝަނަލް އެއާޕޯޓު (ވީއައިއޭ) ބާރުބޮޑުވާނެ ކަމަށް ލަފާކޮށް، ފުރާ މީހުން ދުރާލާ އެއާޕޯޓަށް ދިއުމަށް އެމްއޭސީއެލްއިން އިލްތިމާސްކޮށްފި އެވެ.
ވީ ކިހިނެއް؟ - އެމްއޭސީއެލްއިން މިއަދު ބުނީ އުމްރާވެރިންނާ އެކު އަންނަ ފްލައިޓުތައް ވީއައިއޭއަށް ޖައްސާނީ މެންދުރު 2 އާއި ހަވީރު 4އާ ދެމެދު ކަމަށެވެ.
ތަފްސީލު - ވީއައިއޭގެ އާންމު އޮޕަރޭޝަންތަކާ އެކު އުމްރާވެރިން ވެސް އެނބުރި އަންނާތީ އެ ގަޑިތަކުގައި ވީއައިއޭ އިތުރަށް ބާރުބޮޑުވާނެ ކަމަށް އެމްއޭސީއެލްއިން ބުނެ އެވެ.
އެއާ އެކު އެމްއޭސީއެލްއިން އެދުނީ:
އެ ގަޑިއާ ދިމާކޮށް ވީއައިއޭއަށް ފުރަން ދާ މީހުން ވީހާ ވެސް ވަގުތު އޮއްވާ ފުރަން ދިއުމަށް
ޗެކް-އިން އާއި ސެކިއުރިޓީ ކަންކަމަށް އިތުރު ވަގުތު ދިނުމަށް
ޓެކްސީތަކާއި ދަތުރުފަތުރުގެ ހިދުމަތް ދޭ އެންމެހާ ފަރާތްތަކުން އެއްބާރުލުންދިނުމަށް