ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބަށް ކުރިމަތިމަތިލުމަށް އިތުރު 10 ދުވަސް ދިނުމަށް އިދިކޮޅު އެމްޑީޕީން މިއަދު ގޮވާލައިފިއެވެ. އަންނަ އޭޕްރިލް މަހުގެ ހަތަރު ވަނަ ދުވަހު އޮންނަ ކައުންސިލް އިންތިޚާބުތަކުގައި ވާދަކުރަން ހުޅުވާލީ މިމަހު 17ވަނަ ދުވަހެވެ. އެ މުއްދަތު ހަމަވާނީ އަންނަ އާދިއްތަ ދުވަހުގެ މެންދުރުފަހު 3:30 އަށެވެ. އެ މުއްދަތު މާ ކުރު ކަމަށް މީގެ ކުރިން ވެސް ބުނެފައިވާ އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމުގައި، އެ ޕާޓީގެ ކެމްޕެއިންް ތަރުޖަމާނު އަބްދުﷲ ވަހީދު ވިދާޅުވީ، އިންތިޚާބާ ދިމާކޮށް ކުށުގެ ރެކޯޑު ސާފުކުރުމަށް މަސައްކަތް ކުރަމުންދާއިރު ކަމާގުޅުންހުރި މުއައްސަސާތަކުން އިންތިޚާބަށް ތައްޔާރުވެފައި ވާ މަންޒަރު ނުފެންނަކަމަށެވެ. އެގޮތުން، ޖުޑިޝަލް ސާވިސް ކޮމިޝަން (ޖއެސްސީ) އާއި މޯލްޑިވްސް ކަރެކްޝަނަލް ސާވިސް (އެމްސީއެސް)އިން، ކުށުގެ ރެކޯޑު ސާފުކުރުން ލަސްވާ ކަމަށާއި އެ ތަންތަން އިންތިޚާބަށް ވާންޖެހޭ މިންވަރަށް ތައްޔާރުވެފައި ނުވާކަމަށް އޭނާ ވިދާޅުވެފައެވެ. ވަހީދު ވިދާޅުވީ ޖޭއެސްސީއާއި ކަރެކްޝަނަށް ފޯމު ހުށަހެޅުމުން ރެކޯޑު ސާފުކުރުމަށް ގާތްގަނޑަކަށް ފަސް ދުވަސް ނަގާކަމަށެވެ. އަޅުގަނޑުމެން އިންތިޚާބަށް ފޯމު ހުށަހެޅުމަށް 16 ދުވަހުގެ މުއްދަތެއް މިއޮތީ އިލެކްޝަނުން ދީފައި. ހަތަރު ދުވަސް، ފަސް ދުވަސް އަޅުގަނޑުމެން ކުށުގެ ރެކޯޑު ސާފުކުރުމަށްޓަކައި ދޫކޮށްލާފައި ދެން ބާކީ މިއޮތް ދުވަސްތަކުގައި، އީފާސް މެދުވެރިކޮށް ހުށަހަޅާއިރު އިލެކްޝަނުން އެބަ އަންގާ އެ ފޯމު ރިޖެކްޓް ވެއްޖެ ކަމަށްކެމްޕެއިންް ތަރުޖަމާނު އަބްދުﷲ ވަހީދު ވަހީދު ވަނީ ފޯމު ހުށަހެޅުމަށް އިލެކްޝަނުން ދީފައިވަނީ ވަނީ ވަރަށް ކުޑަ މުއްދަތެއް ކަމަށާއި، ވަކިން ޚާއްސަކޮށް އޮންލައިންކޮށް ހުށަހެޅުމަށް ޖާގަ ދީފައި އޮތުމަކީ، ގިނަ ކެންޑިޑޭޓުންތަކެއްގެ އިންތިޚާބީ ހައްގު ނިގުޅައިގަނެވޭނޭ ކަމެއް ކަމަށް ވިދާޅުވެފައެވެ. އެހެންކަމުން ވަހީދު ވަނީ އިންތިޚާބަށް ކުރިމަތިލުމަށް އިލެކްޝަންސް ކޮމިޝަނުން އިތުރު ތިން ދުވަސް ދިނުމަށް އެދިވަޑައިގެންފައެވެ. އެ ފުރުސަތު ނުދޭނަމަ، ލިބެންހުރި އެހެން ވަސީލަތްތައް ބޭނުންކޮށްގެން އެ ހައްގު ހޯދުމަށް އެމްޑީޕީން މަސައްކަތް ކުރާނެ ކަމަށް އޭނާ ވަނީ ވިދާޅުވެފައެވެ. ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ އިންތިޚާބަށް ކުރިމަތިލުމުގެ ފުރުސަތު އިލެކްޝަންސް ކޮމިޝަނުން ހުޅުވާލާފައި ވަނީ އަންނަ އާދިއްތަ ދުވަހުގެ ނިޔަލަށެވެ. އެގޮތުން، އެ ދުވަހުގެ 15:00ގެ ކުރީން ކެންޑިޑެންސީ ފޯމު ހުށަހަޅަން އީސީން ވަނީ އެދިފައެވެ. https://sun.mv/217137 އެމްޑީޕީން މިދިޔަ ހޮނިހިރު ދުވަހު ވަނީ މެނުއަލްކޮށް ނުވަތަ ގަނޑުކޮށް ފޯމް ބަލައިގަތުމުގެ އިންތިޒާމް ހަމަޖެއްސުމަށް އިލެކްޝަންސް ކޮމިޝަނަށް ގޮވާލައިފައެވެ. އެކަމާ ގުޅިގެން މިދިޔަ ހޯމަ ދުވަހު އެ ކޮމިޝަނުން ބުނީ، ގަނޑުކޮށް ފޯމު ބަލައިގަތުމަށް އަދި ނުނިންމާ ކަމަށާއި ޕާޓީތަކުގެ ރަސްމީ ޝަކުވާއެއް އެހާތަނަށް ލިބިފައި ނެތް ކަމަށެވެ. މީގެ އިތުރުން، އިންތިޚާބަށް ކުރިމަތިލެވެނީ އިލެކްޝަންސް ކޮމިޝަންގެ ޕޯޓަލްއިން ކަމަށްވާއިރު، އެމްޑީޕީން ވަނީ އެ ޕޯޓަލުން މައުލޫމާތުތައް ބެލުމުގެ ބާރު ވެރިކަން ކުރާ ޕީއެންސީއަށް އޮންނަ ކަމަށް ތުހުމަތުކޮށްފައެވެ. ނަމަވެސް އެ ކޮމިޝަނުން ވަނީ އެ ތުހުމަތު ދޮގުކޮށްފައެވެ.