މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ވިޔަފާރި ބަނދަރުގައި އޯޕަން ސްޓޯރޭޖުގައި މުދާ ބަހައްޓައިގެން ޑެމަރޭޖް ނާރާ މުއްދަތު އިތުރުކޮށްފިއެވެ.
އޯޕަން ސްޓޯރޭޖުގައި ބަހައްޓާ މުދަލުން ފީ ނުނަގައި ބަހައްޓައިދޭ މުއްދަތު ކުންފުނީގެ ބޯޑުން އިތުރު ކުރަން ނިންމީ ވިޔަފާވެރިންނަށް ދޭ ލުއެއްގެ ގޮތުންނެވެ.
މީގެ ކުރިން ބަނދަރުގެ އޯޕަން ސްޓޯރޭޖް އޭރިޔާގައި ބަހައްޓާ ކޮންވެންޝަނަލް ކާގޯއަށް ޑެމަރޭޖު ނާރާ ގޮތަށް ނުވަތަ އަގަކާ ނުލާ މުދާ ބަހައްޓައި ދެނީ 5 ދުވަހަށެ. ނަމަވެސް އެމްޕީއެލުން ގެނައި ބަދަލާއެކު އެ މުއްދަތު މިހާރު 10 ދުވަހަށް އިތުރުކޮށްފަ އެވެ. އެމްޕީއެލުން ބުނީ މި ބަދަލުގެ ދަށުން ޑެމަރޭޖު ނާރާ ގޮތަށް ބަހައްޓާ މުދަލުގެ ތެރޭގައި އަވަހަށް ހަލާކުވާ ޒާތުގެ މުދާ ނުހިމެނޭ ކަމަށެވެ.
މި ބަދަލަކީ ރާއްޖޭގެ ކުދި އަދި މެދު ފަންތީގެ ވިޔަފާރިތަކަށް ލުއި ފަސޭހަކޮށް ދިނުމަށާއި، އިޤްތިޞާދީ ގޮތުން އެ ފަރާތްތަކަށް ކުރިމަތިވާ ގޮންޖެހުންތައް ޙައްލު ކުރުމަށް ސަރުކާރުން ކުރަމުން އަންނަ މަސައްކަތުގެ ދަށުން ގެނައި ބަދަލެއް ކަމަށް ެސް އެމްޕީއެލުން ބުންޏެވެ.