މާލޭގެ ގެއެއް ކަމަށްވާ މއ. ސިޓީވިލާގައި އަލިފާން ރޯވެ، އަނދައިފިއެވެ. އެމްއެންޑީއެފުން ބުނި ގޮތުގައި މއ. ސިޓީވިލާގައި ރޯވި އަލިފާން، އެމްއެންޑީއެފް ފަޔާ އެންޑް ރެސްކިޔު ސާވިސް، މާލޭ ފަޔާ ސްޓޭޝަނުން މިހާރު ވަނީ ނިއްވާލައިފިއެވެ. https://x.com/mndf_official/status/2028270926048248120 މީހުން ދިރިއުޅޭ އެ ގޭގައި ހިނގި މި ހާދިސާގެ ރިޕޯޓް ރޭ ދަންވަރު 03:06 ހާއިރު އެމްއެންޑީއެފް ފަޔާ އެންޑް ރެސްކިޔު ސާވިސްއަށް ލިބުނު ކަމަށް އެމްއެންޑީއެފުން މައުލޫމާތުދިނެވެ. މާލޭގެ ގެއެއްގައި އަލިފާން ރޯވެ، އަނދާފައި: އަލިފާން މިހާރު ވަނީ ނިއްވާލާފައި -- ފޮޓޯ/ އެމްއެންޑީއެފް އަދި މާލޭ ފަޔާ ސްޓޭޝަނުގެ ފަޔާފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށާއި އެގޮތުން، ރޯވި އަލިފާން 04:12 ހާއިރު ވަނީ އެއްކޮށް ނިއްވާލެވިފައި ކަމަށް އެމްއެންޑީއެފުން ބުންޏެވެ. މި ހާދިސާގައި އެ ގޭގެ އެކިބައިތަކަށް ގެއްލުން ލިބުނު ނަމަވެސް އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައި ނުވާ ކަމަށް އެމްއެންޑީއެފުން ބުންޏެވެ.