އޫކްލާ ސްޕީޑް ޓެސްޓްގެ ފަރާތުން ދޭ ތިން އެވޯޑެއް މޮބައިލް ވޯލްޑް ކޮންގްރެސްގައި ދިރާގަށް ލިބިއްޖެ އެވެ.
ވީ ކިހިނެއް؟ - މިދިޔަ އަހަރުގެ ފުރަތަމަ ދެ ކުއާޓަރަށް ދިރާގަށް ލިބުނީ:
ފާސްޓެސްޓް 5ޖީ ނެޓްވޯކް
ބެސްޓް 5ޖީ ނެޓްވޯކް
ބެސްޓް 5ޖީ ގޭމިން އެކްސްޕީރިއަންސް
މި އެވޯޑުތައް ދިރާގާ ހަވާލުކޮށްފައިވަނީ ސްޕެއިންގެ ބާސެލޯނާގައި ބޭއްވި، ޓެލެކޮމިއުނިކޭޝަންސްގެ ދާއިރާގެެ ދުނިޔޭގެ އެންމެ ބޮޑު ހަރަކާތް ކަމަށްވާ މޮބައިލް ވޯލްޑް ކޮންގްރެސްގަ އެވެ.
ތަފްސީލް - ދިރާގުން މި ހޯދި ކާމިޔާބީން ދައްކުވައިދެނީ ދިރާގުގެ ހިދުމަތްތައް ދުނިޔޭގެ ފެންވަރުގައި ފޯރުކޮށްދިނުމަށް އަދި ޑިޖިޓަލް ރާއްޖެ ބިނާކުރުމަށް ދިރާގުން ކުރަމުން އަންނަ މަސައްކަތްތަކުގެ ނަތީޖާ ކަަމަށް އެ ކުންފުނިން ބުންޏެވެ. އެގޮތުން:
ދިރާގުން ވަނީ 2019ގައި ދެކުނު އޭޝިއާ އަދި ރާއްޖޭގައި 5ޖީ ހިދުމަތް ތައާރަފްކުރި ފުރަތަމަ އޮޕަރޭޓަރަށް ވެފައި 
މިހާރު ދިރާގުން ވަނީ ރާއްޖޭގެ އާބާދީގެ %73އަށް ދިރާގުގެ ހަލުއި 5ޖީ ނެޓްވޯކް ފޯރުކޮށްދީފައި
ގުޅުންހުރި - ދިރާގުން ވަނީ އޫކްލާއިން ދޭ 'މޯލްޑިވްސް ފާސްޓަސްޓް މޯބައިލް ނެޓްވޯކް' ވިދިވިދިގެން ތިން އަހަރު ހޯދާ އަދި 'ފާސްޓަސްޓް 5ޖީ ނެޓްވޯކް' ދެ އަހަރު ހޯދައި ރާއްޖޭގެ އެންމެ ހަލުއި ނެޓްވޯކްގެ ގޮތުގައި ވެގެން ގޮސްފަ އެވެ.