މަސްތުވާ ތަކެއްޗަށް ފަރުވާ ހޯދާ ޒުވާނުން ނަށް ވަޒީފާ ދޭން އެސްޓީއޯ އިސްނަގައި، ނޭޝަނަލް ޑްރަގް އެޖެންސީ (އެންޑީއޭ) އާއެކު އެއްބަސްވުމެއްގައި މިއަދު ވަނީ ސޮއިކޮށްފައެވެ.
އެސްޓީއޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ޝަހީރު އެވެ. އަދި އެންޑީއޭގެ ފަރާތުން ސޮއިކުރެއްވީ ސީއީއޯ ހަސަން ޝަހީލް އެވެ.
މި ޙަފްލާ ބާއްވާފައިވަނީ އެސްޓީއޯ މައި އޮފީހުގައެވެ.
އެއްބަސްވުމުގެ ދަށުން އެސްޓީއޯގެ ދަށުން ހިންގާ އެކި ކުންފުނިތަކުން ހަތަރު ކުއްޖަކަށް ވަޒީފާ ދިނުމަށް ވަނީ ހަމަޖައްސާފަ އެވެ. މިގޮތުން ފުރަތަމަ ވަޒީފާ ދޭނީ ލުއިކޮށް މަސައްކަތް ކުރާ ގޮތަށެވެ. އަދި ޕާފޯމަންސަށް ބެލުމަށްފަހު ފަހުން ދާއިމީ ވަޒީފާ ދޭނެ ކަމަށް އެސްޓީއޯގެ އެމްޑީ ޝާހިރު ވަނީ ވިދާޅުވެފައެވެ.