އެމްޓީސީސީން ވިއްކާ ސުޒުކީ އައުޓް ބޯޑު އިންޖީނަށް ހާއްސަކޮށް ބޮޑު ޕްރޮމޯޝަނެއް ފަށައިފި އެވެ.
އެމްޓީސީސީ އިން ރޯދަ މަހާ ދިމާކޮށް ފެށި "ސުޒުކީ ރޯދަ ޕްރޮމޯ" އާ ބެހޭ ގޮތުން މައުލޫމާތު ދެއްވަމުން އެ ކުންފުނީގެ މެނޭޖަރު އިސްމާއީލް އަދުހަމް މިއަދު ވިދާޅުވީ ސުޒުކީ ރޯދަ ޕްރޮމޯޝަންގައި 9.9 ހޮސްޕަވަރުން ފެށިގެން 150 ހޯސްޕަވަރުގެ އައުޓްބޯޑު އިންޖީނަށް ޑިސްކައުންޓް ލިބޭނެ ކަމަށެވެ.
އޭނާ ވިދާޅުވީ މި ޕްރޮމޯޝަނުގައި 15 ޕަސެންޓާ ހަމަ އަށް ސުޒުކީ އައުޓްބޯޑު އިންޖީނުން ޑިސްކައުންޓް ލިބޭއިރު، އެއީ ގާތްގަނޑަކަށް 40،000 ރުފިޔާގެ ހެޔޮވުމެއް ކަމަށް އޭނާ ވިދާޅުވި އެވެ. އަދި މި އަގު ހެޔޮ ވުމާއެކު، ރަށްރަށުގައި ތިބި ކަސްޓަމަރުންނަށް ބޮޑު ލުޔެއް ލިބިގެންދާނެ ކަމަށް އަދުހަމް ވިދާޅުވި އެވެ.
"ސުޒުކީ ރޯދަ ޕްރޮމޯ " ފަށަން އެމްޓީސީސީ ކަށަވަރު ޝޯރޫމުގައި ބޭއްވި ރަސްމިއްޔާތުގެ ތެރެއިން: މި ޕްރޮމޯޝަން މިމަހުގެ 12 ވަނަ ދުވަހުގެ ނިޔަލަށް ކުރިއަށްދާނެ
-- ފޮޓޯ : އަހްމަދު އަޔާދު | އަވަސް
އެމްޓީސީސީ އިން ވިއްކާ ސުޒުކީ އައުޓް ބޯޑު އިންޖީނަކީ މަސްވެރިންގެ މެދުގައި މަގުބޫލު އިންޖީނެކެވެ. މި ބްރޭންޑުގެ ކުދި އިންޖީނުތަކަކީ ރަށްރަށުގައި ގިނަ އިން ބޭނުން ކުރަން އެއްޗެކެވެ.