ގަލޮޅު ފާށަނާކިލެގެ މަގުގައި ހުރި ގެއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ.
އެ ސަރަހައްދުން ދިޔަރެސް އަށް މައުލޫމާތު ދިން މީހަކު ބުނި ގޮތުގައި މަރުވެފައިވަނީ ދިވެހި ފިރިހެނެކެވެ. އަދި މަރުވިތާ ގިނައިރުތަކެއްވެފައި ވުމުގެ ސަބަބުން އޭނާގެ ހަށިގަނޑު "ހަރު"ވެފައިވާކަމަށްވެސް އެމީހާ މައުލޫމާތުދިނެވެ.
މި މައްސަލަ އާއި ގުޅިގެން ފުލުހުން ބުނެފައިވަނީ މާލެ، ގަލޮޅު ގެއެއްގައި ހަބަރު ހުސްވެފައި އޮތް މީހަކު އޮތް ކަމުގެ މައުލޫމާތު މިއަދުގެ 05:02 އެހާކަން ހާއިރު ލިބިފައިވާ ކަމަށާއި ހަބަރު ހުސްވެފައި އޮތީ ފިރިހެނެއް ކަމަށެވެ.
އެ މީހާ އައިޖީއެމްއެޗް އަށް ގެންދިޔަ އިރުވެސް މަރުވެފައިވާކަމަށް ހޮސްޕިޓަލުން މައުލޫމާތު ދީފައިވާ ކަމަށާއި މި މައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން ބުނެފައިވެއެވެ