ރ. މީދޫގެ ކަރަންޓުގެ ހާލަތު ރަނގަޅު ކުރުމަށް 600 ކިލޯވޯޓުގެ ޖަނަރޭޓަރެއް ގެނައުމަށް ފެނަކަ ކޯޕަރޭޝަނުން ނިންމައިފިއެވެ.
ފެނަކަ ކޯޕަރޭޝަންގެ އެމްޑީ މުޙައްމަދު ސަޢީދާ ހަވާލާ ދެއްވާ މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވީ މީދޫއަށް ގެނެއުމަށް ހަމަޖެހިފައިވާ 600 ކިލޯވޯޓުގެ ޖަނަރޭޓަރު މިހާރު މާލެއަށް ގެނެވިފައިވާކަމަށާއި މޫސުން ރަނގަޅު ވާހާ އަވަހަކަށް ޖަނަރޭޓަރު މީދޫއަށް ގެނެވޭނެކަމަށް ފެނަކަގެ އެމްޑީ ވިދާޅުވެފައިވާކަމަށެވެ. މިކަމާއި ގުޅޭ ގޮތުން ފެނަކަ މީދޫ ބުރާންޗުގެ އެސިސްޓެންޓް މެނޭޖަރ ހުސައިން އަލީ ވިދާޅުވީ 600 ކިލޯވޯޓުގެ ޖެނެރޭޓަރަކީ ބެކްއަޕްއަކަށް ގެންނަ ޖެނެރޭޓަރެއްކަމަށާއި 800 ކިލޯވޯޓުގެ ޖެނެރޭޓަރެއް ގެނެއުމުގެ މަސައްކަތްވެސް ކުރެވެމުން އަންނަކަމަށެވެ.
މީދޫގެ ކަރަންޓުގެ ހާލަތު ގޯސްވެފައިވާއިރު މިއަދުވެސް ކަރަންޓު ދެމުން އަންނަނީ އެކި ސަރަހައްދުތަކަށް ބަހާލައިގެންނެވެ. މިވަގުތު މީދޫގައި ކަރަންޓު ދިނުމަށް ބޭނުންކުރާ 2 ޖެނެރޭޓަރުގެ ތެރެއިން 350 ކިލޯވޯޓުގެ ޖަނަރޭޓަރަށް ދިމާވި މައްސަލަ ހައްލު ކުރުމުގެ މަސައްކަތް މިހާރު އަންނަނީ ކުރަމުންނެވެ.
ރ. މީދޫގެ ކަރަންޓުގެ ހާލަތު ރަނގަޅު ކުރުމަށް 600 ކިލޯވޯޓުގެ ޖަނަރޭޓަރެއް ގެންނަނީ
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ