ރާއްޖޭގައި 30 އަހަރު ވެރިކަން ކުރައްވާފައިވާ ކުރީގެ ރައީސް މައުމޫން އަބްދުލް ގައްޔޫމް ހައްޔަރުކުރި ފަހުން އެއްވެސް އެއްޗެއް ފަރިއްނުކުޅައްވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައީސް ނަޝީދު މިއަދު ކުރެއްވި ޓުވީޓުގައި ވަނީ ފުލުހުން ހައްޔަރުކޮށްފައިވާ ރައީސް މައުމޫނާއި ފަނޑިޔާރުން މިހާރުން މިހާރަށް ދޫކޮށްލުމަށް ގޮވާލައްވާފަ އެވެ.
ރައީސް ނަޝީދު ވިދާޅުވީ ރައީސް މައުމޫން ހައްޔަރުކުރި ފަހުން މިހާތަނަށް އެއްވެސް އެއްޗެއް ފަރިއްނުކުޅުއްވާ ކަމަށެވެ. ރައީސް މައުމޫން ހައްޔަރު ކުރިތާ މިހާރު 32 ގަޑިއިރު ވެގެންދިޔައީ އެވެ.