ރައީސުލްޖުމްހޫރިއްޔާ އިބްރާޙީމް މުޙައްމަދު ޞާލިހް ބާއްވަވާ ނޫސްވެރިންގެ ބައްދަލްވުމެއް މިއަދު ހަވީރު އޮންނާނެ ކަމަށް ރައީސުލްޖުމްހޫރިއްޔާގެ އޮފީހުން ހާމަކޮށްފިއެވެ.
ރައީސް އޮފީހުގެ ތަރުޖަމާނު މަބްރޫކް ޢަޒީޒު ވިދާޅުވީ، ރައީސް ސާލިހް ނޫސްވެރިންނާއި ބައްދަލު ކުރައްވާނީ މިރޭ 16:30 ޖަހާއިރު ކަމަށެވެ.
މިބައްދަލުކުރެއްވުމުގައި މިހާރު ކޮވިޑްގެ ޙާލަތާއި ގުޅޭގޮތުން ނޫސްވެރިންނާއި މަޢުލޫމާތު ޙިއްސާކުރައްވާނެ ކަމަށް ރައީސް އޮފީހުން ވިދާޅުވެއެވެ.
ފާހަގަކޮށްލެވޭ ގޮތުގައި ދާދިފަހުން ކޮވިޑް-19 ބަލީގައި އުމުރުން 10 އަހަރުގެ މިޝްކާ މުހައްމަދު ނިޔާވިއިރު، އޭނާއަށް ލިބެންވާ ފަރުވާ ލިބުން ލަސްވެގެންދިޔަ މައްސަލައިގައި ގިނަބަޔަކު ދަނީ ކަންބޮޑުވުން ފާޅުކުރަމުންނެވެ.