އަލަަށް ގެނައި ބަދަލުތަކާއެކު ކުންފުނިތަކުން ލޯނު ނެގުމަށާއި، ކުންފުނީގެ އޮނިގަނޑަށް ނުވަތަ މުސާރައިގެ އޮނިގަނޑަށް ބަދަލުގެނައުމަށް ނުވަތަ ކުންފުނީގެ މުވައްޒަފުންނާއި އިސްވެރިންނަށް އިނާޔަތްތައް ދިނުމަށް ފިނޭންސްގެ ހުއްދަ ހޯދަންޖެހޭނެ އެވެ.
ސަރުކާރު ހިއްސާވާ ކުންފުނިތަކާއި ދައުލަތުގެ ކުންފުނިތައް ހިންގުމަށް ބޮޑެތި ބަދަލުތަކެއް ގެނައުމަށް ޕްރައިވަޓައިޒޭޝަން އެންޑް ކޯޕަރައިޓަޒޭޝަން ބޯޑުން ނިންމަައިފި އެވެ. 
ގެނައުމަށް ނިންމި ބަދަލުތަކުގައި ސަރުކާރު ހިއްސާވާ ކުންފުނިތަކުން ލޯނު ނެގުމުގައި އަމަލުކުރާނެ ގޮތުގެ ގައިޑްލައިން އެކުލަވަައިލާފައިވެ އެވެ. އެ ގައިޑްލައިނުގެ ދަށުން އެ ގައިޑްލައިނުގަައިވާ ކަންކަން ފުރިހަމަކުރުމަށްފަހު، ކުންފުނީގެ ހިއްސާދާރު / ސަރުކާރުގެ ހުއްދައަށް އެދި ހުށަހަޅަންޖެހޭނެ އެވެ. 
އެ ހުއްދަ ލިބުމުން އެ ލޯނު ނެގުމަށް ކުންފުނީގެ ބޯޑުން ފާސްކުރާތާ ފަސް ދުވަހުގެ ތެރޭގައި ޕީސީބީއަށް އަންގަންވެސް ލާޒިމުކޮށްފައިވެ އެވެ. ސަރުކާރުގެ ފަރާތުން ލޯނު ނެގުމަށް އެސްއޯއީތަކަަށް ހުއްދަ ދޭނީ ފިނޭންސް މިނިސްޓްރީންނެވެ. ސަރުކާރުގެ އަޣުލަބިއްޔަތު ހިއްސާ އޮންނަ ކުންފުނިތަކުންވެސް ލޯނު ނެގުމަށް އެ މިނިސްޓްރީގެ ހުއްދަ ހޯދަންޖެހޭނެ އެވެ. 
އޭގެ އިތުރަށް ގައިޑްލައިނަށް ގެނެސްފައިވާ އަނެއް ބަދަލަކީ ކުންފުނީގެ އޮނިގަނޑަށް އަދި މުސާރައިގެ އޮނިގަނޑަށް ބަދަލުގެނައުމުގެ ކުރިން ފުރިހަމަކުރަންޖެހޭ އިޖުރާއާތެވެ. އެއިން ބަދަލެއް ގެންނަނަމަ ކުންފުނިން އެކަމާ ގުޅޭ އިޖުރާއާތުތައް ފުރިހަމަކޮށް ފިނޭންސްގެ ހުއްދަ ހޯދަންޖެހޭނެ އެވެ. 
ލޯނު ނެގުމާއި އޮނިގަނޑަށް ބަދަލުގެނައުމުގެ އިތުރަށް ކުންފުނިތަކުން އިންވެސްޓުމެންޓުތައް ހެދުމުގެ ކުރިންނާއި މުވައްޒަފުންނަށް ބޯނަސް ނުވަތަ އިންސެންޓިވްތައް ދިނުމަށް ނިންމުމުގެ ކުރިން ފިނޭންސް މިނިސްޓްރީން ހުއްދަ ނަގަންޖެހޭނެ އެވެ. އޭގެ ތެރޭގައި ކުންފުނީގެ މެނޭޖުމެންޓަށް ދޭ އިނާޔަތްތަކާއި، ބޯނަސް އަދި އިންސެންޓިވުތައްވެސް ހިމެނެ އެވެ. 
އޭގެ އިތުރަށް ސަރުކާރުން އަލަށް އުފައްދާ ކުންފުނިތައް ގިންތިކުރުމުގައި އެ ކުންފުނީގެ މަގުސަދަށާއި ރައުސުލް މާލަށް ބިނާކޮށް ކުންފުނި ގިންތިކުރުމުގެ ބާރު ޕީސީބީއަށް ލިބިދޭ ގޮތަށް އުސޫލު ގާއިމުކޮށްފައިވެ އެވެ. އަދި އެ އުސޫލުގައި އައު ކުންފުނިތަކުގެ ބޯޑު މެންބަރުންނަށް ދޭ އިނާޔަތް ކަނޑައަޅާނެ އުސޫލުތައްވެސް ބަޔާންކޮށްފައިވެ އެވެ. 
ޕީސީބީންވަނީ ސަރުކާރު ހިއްސާވާ ކުންފުނިތަކުގެ ނަމޫނާ ހިންގުމުގެ ގަވާއިދެއްވެސް އެކުލަވައިލާފަ އެވެ. އެ ބޯޑުން ބުނެފައިވަނީ މި ގަވާއިދަކީ އެ ކުންފުނިތަކުގެ ހިންގުން އިތުރަށް ހަރުދަނާކޮށް، ކޯޕަރޭޓް ގަވަނެންސްގެ ހަމަތައް ނެގެހެއްޓުމަށްތޚައި އެކުލަވާލާފައިވާ ނަމޫނާ ގަވާއިދެއްކަމަށް އެ ބޯޑުން ބުނެ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ