އަމިއްލަ ސިފައާއި މެދު ހިތްހަމަ ނުޖެހި، އެއަށްވުރެ ފުރިހަމަ ވުމަށްޓަކައި ޕްލާސްޓިކް ސާޖަރީ ކުރާ  މީހުން ގިނަ މި ޒަމާނުގައި، އެކަމަށް ނޫނެކޭ ބުނާނެ އެތައް ބަޔަކު ތިބި ކަމަކީވެސް އުފާ ކުރަންވީ ކަމެކެވެ.
ބޮލީވުޑްގެ ބައެއް ތަރިންވެސް މިކަމުގެ ޝިކާރައަކަށް އެމީހުންގެ ހަށިގަނޑު ހަދާފައި ވާއިރު އަނެއްބައި ތަރިން އެކަމާ ދެކޮޅެވެ. 
ޝްރައްދާ ކަޕޫރް 
ޝްރައްދާ ކަޕޫރް އަކީ ރީތި ހިނިތުންވުމެއް ލިބިފައިވާ ބަލާލަން އެހާމެ ރީތި ތަރިއެކެވެ. މޭކަޕާއި ނުލާ ވެސް ފުރިހަމަ ޝަރައްދާ، މޭކަޕް ކުރާއިރުވެސް ބަލަނީ މާ ގޮތް ބޮޑު ނުވެވޭތޯއެވެ. 
ޕަރިނީތީ ޗޯޕްރާ
ޕަރިނީތީ ޗޯޕްރާއަކީ ކުރިން ވަރަށް ފަލަކޮށް ހުރި ތަރިއެކެވެ. އެކަމާ ކިތަންމެ ހިތްހަމަ ނުޖެހުނަސް އަދި އެތައް ބައެއްގެ މަލާމާތް ލިބުނު ނަމަވެސް އޭނާ ހިކުމަށްޓަކައި ޕްލާސްޓިކް ސާޖަރީ އެއް ނުކުރެއެވެ. 
ޖެކްލިން ފެނާންޑޭޒް
ސްރީލަންކާ އަށް ނިސްބަތް ވާ މި ތަރިއަކީ އެތައް ބައެއްގެ ހިތާއި ކުޅެލާފައިވާ ރީތި ކަމުގެ މިސާލެކެވެ. މޫނު މަތިން އެއްވެސް އައިބު ކަމެއްގެ އަސަރުވެސް ފެންނަން ނުހުންނައިރު، އޭނާގެ ރީތި ކަމަކީ ހަމަ ގުދުރަތީ ރީތި ކަމަކެވެ. 
އާލިއާ ބަޓް 
އާލިއާ ބަޓް އަކީ ވެސް ކުރިން ވަރަށް ތަފާތުކޮށް ޖުރި ތަރިއެކެވެ. އެހާރާއި މިހާރާއި ބަލާއިރު ކުރިން އޭނާ ހުންނަނީ ފަލަ ކޮންނެވެ. ނަމަވެސް މިހާރު އޭނާ ހުންނަ ގޮތަށް ބަދަލުވުމަށް އޭނާ ބޭނުން ހިފީ ޕްލާސްޓިކް ސާޖަރީ އެއް ނޫނެވެ. އޭނާގެ ރީތި ކަމުގެ އަސްލަކީ ކަސްރަތުކުރުމާއި ކެތްތެރިކަމެވެ. ކުރިންވެސް އޭނައަކީ ހުތުރު މީހެއް ނޫނެވެ. 
ދިޕިކާ ޕަޑުކޯން
އެކި ފިލްމުތަކުގައި އެކިކަހަލަ ރޯލު އަދާ ކޮށްފައިވާ މި ތަރިއަކީ ޕްލާސްޓިކް ސާޖަރީއަކަށް ބޭނުންވާ ތަރި އެއް ނޫނެވެ. ރީތި ކަން އިންތިހާއެވެ. ބައެއް މީހުންނަށް ވާހެން ރީތި ވުމުން އިތުރަށް ރީތި ވާން ޕްލާސްޓިކް ސާޖަރީ ކުރުމަކީ އޭނާ އެއް އިރެއްގައިވެސް ގަޔާވި ކަމެއް ނޫނެވެ.