އައިޖީއެމްއެޗު ކައިރީ ހުރި މީހަކަށް ސައިކަލެއްގައި ދިޔަ ބަޔަކު މަރުތޭލަކުން ހަމަލާދީ މާރާމާރީ ހިންގައިފި އެވެ.
ވީ ކިހިނެއް؟ - ފުލުހުން ބުނީ ކަނބާ އައިސާ ރަނި ހިނގުމުގައި ހުރި މީހަކަށް ސައިކަލެއްގައި ދިޔަ ދެ މީހަކު ހަމަލާދިން މައްސަލައެއް މިރޭ 8:41 ހާއިރު ރިޕޯޓުކޮށްފައިވާ ކަމަށެވެ.
ތަފްސީލް - ފުލުހުން ބުނީ މާރާމާރީގައި އަނިޔާވީ ދިވެހި ފިރިހެނަކަށް ކަމަށެވެ.
އެ މީހާއަށް ފަރުވާ ދިނުމަށް އައިޖީއެމްއެޗަށް ގެންގޮސްފައިވާ ކަމަށް ފުލުހުން ބުންޏެވެ. ނަމަވެސް އަނިޔާތަކުގެ ތަފްސީލެއް ނުދެ އެވެ.
ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ.
ފާހަގަ ކުރެވޭ - މާލޭގައި ހިންގާ ކެފޭއެއްގެ ބަދިގެ ތެރޭގައި ވެސް މިއަދު ވަނީ މާރާމާރީއެއް ހިންގައިފަ އެވެ. ދެ ބިދޭސީއެއްގެ ދެމެދުގައި ހިންގި އެ މާރާމާރީގައި ދެ މީހުންނަށް ލިބުނު އަނިޔާތަކަށް ހޮސްޕިޓަލުގައި ދަނީ ފަރުވާ ދެމުންނެވެ.