‏ޖަންކް ފުޑް ގަވާއިދުން ކެއުމުން ނަފްސާނީ ގޮތުން ކުރިމަތިވާ ސްޓްރެސް އިތުރުވެދާނެކަން ދިރާސާތަކުން ‏‏ދައްކަ އެވެ. އެ ގުޅުން ޖިސްމާނީ އަދި ނަފްސާނީ ގޮތުން ވެސް ފެންނަން ހުރެ އެވެ. ހަކުރު، ލޮނު، ހިމެނޭ ކާނާ، ‏‏އަދި ޕްރިޒަވޭޓިވްސް އެކުލެވޭ ކާނާތައް ހަށިގަނޑުގެ ހޯމޯނަލް ބެލެންސް، ލޭގައި ހުންނަ ހަކުރުގެ މިންވަރު، އަދި ‏‏ބަނޑުގެ ދުޅަހެޔޮކަމަށް ބަދަލު ގެނެސްދޭކަން ފާހަގަކުރެވެ އެވެ.
މިފަދަ ކާނާތަކުން ވަގުތީ ގޮތުން ހިތްހަމަޖެހުމާއި ހަކަތަ ‏‏ލިބުނު ނަމަވެސް، ގިނަ ފަހަރަށް ކާތަކެތި ހަޖަމުވުމަށް ފަހު ވަރުބަލިކަމާއި، ނުތަނަވަސްކަން ކުރިމަތިވެ އަދި މޫޑް ‏‏ދަށްވުން ތަޖުރިބާކުރެވެ އެވެ‏‎.‎
‏ހަށިގަނޑަށް ފައިދާއެއް ނެތް އަދި ގެއްލުން ލިބޭ ކާނާ ދިގު މުއްދަތަކަށް ކެއުމުގެ ސަބަބުން ސިކުނޑީގެ ‏‏ކެމިސްޓްރީއަށް އަސަރުކޮށް، ދުވަހުން ދުވަހަށް ދިމާވާ ސްޓްރެސްފުލް ހާލަތްތަކާއި ކުރިމަތިލުމުގެ ގާބިލުކަން ‏‏ދަށްވެގެންދެ އެވެ. މީގެ ސަބަބުން އެންޒައިޓީއާއި އިމޯޝަނަލް އެގްޒޯސްޝަންއަށް މީހުން އިތުރަށް ‏‏ހުށަހެޅިގެންދެއެވެ. އެގޮތުން ޖަންކް ފުޑް ގަވާއިދުން ކެއުމުން ލޭގައި ހުންނަ ހަކުރުގެ މިންވަރަށް ކުއްލި ބަދަލުތައް ‏‏އަންނަ ކަމާއި، ބަނޑުގެ ދުޅަހެޔޮކަމަށް ނޭދެވޭ އަސަރުކުރާކަމަށް ސިއްހީ މާހިރުން އެއްބަސްވެލައްވައެވެ‏‎. ‎
‏ބަނޑަކީ "ދެވަނަ ސިކުނޑި" ކަމަށް ބެލެވޭއިރު، ޖަންކް ފުޑްއިން ބަނޑުގެ ބެކްޓީރިއާއަށް ގެއްލުން ލިބި، މޫޑު ‏‏ރެގިއުލޭޓްކުރާ ނިއުރޯޓްރާންސްމިޓަރުތައް (މިސާލަކަށް ސެރޮޓޮނިން) އުފެއްދުން މަދުވެގެންދެ އެވެ. އޭގެއިތުރުން، ‏‏އަލްޓްރާ-ޕްރޮސެސްޑް ކާނާގެ ސަބަބުން ސިކުނޑީގައި އިންފްލަމޭޝަން އިތުރުވެ، ކޯޓިސޯލް ފަދަ ސްޓްރެސް ‏‏ހޯމޯން އިތުރުވެގެންދެ އެވެ. މިކަމުގެ ސަބަބުން އެންޒައިޓީ އާއި ޓެންޝަން އިތުރުވާ ކަމަށް ސިއްހީ މާހިރުން ‏‏ފާހަގަކުރައްވަ އެވެ‏‎.‎
‏ޖަންކް ފުޑްއިން ބަނޑު ފުރާލުމުގެ ސަބަބުން މެގްނީޒިއަމް، ބީ ވިޓަމިންސް، އޮމެގާ-3 ފެޓީ އެސިޑްސް، އަދި ‏‏ޒިންކް ފަދަ މުހިންމު ނިއުޓްރިއެންޓްސް ލިބުން މަދުވެގެންދެ އެވެ. މިއީ މޫޑު ރެގިއުލޭޓް ކުރުމަށާއި ސްޓްރެސް ‏‏މެނޭޖް ކުރުމަށް ބޭނުންވާ މާއްދާތަކެވެ. އަދި މިފަދަ ކާނާގައި ހުންނަ އާޓިފިޝަލް އެޑިޓިވްސް، ކެފެއިން، އަދި ‏‏ހަކުރުގެ ސަބަބުން ނިދުން ދަށްވެ، ކޯޓިސޯލް އިތުރުވެ، ސްޓްރެސް ކުޑަކުރުމުގެ ކުރުމުގެ ގާބިލްކަން ‏‏ދަށްވެގެންދެ އެވެ‏‎.‎
‏މި ކަންކަން ސަމާލުކަމަށް ގެނެސް، ޖަންކް ފުޑް ކެއުން މަދުކޮށްގެން ނަފްސާނީ އަދި ޖިސްމާނީ ދުޅަހެޔޮކަން ‏‏އިތުރުކުރެވިދާނެ އެވެ. އެންޑީޓީވީ ވެބްސައިޓްގައި ޝާއިއުކުރެވިފައިވާ މި ލިޔުމުގައި ނިއުޓްރިޝަނިސްޓެއް ކަމުގައިވާ ‏‏މަންޔާ ސިންގ ފާހަގަކުރައްވާގޮތުގައި، ހަމަހަމަ އަދި ހެލްދީ ކާނާ ކެއުމަކީ ހަށިގަނޑަށް ލިބޭ ފައިދާތަކުގެ އިތުރުން ، ‏‏ނަފްސާނީ ދުޅަހެޔޮކަމަށް ވެސް މުހިންމު ކަމެކެވެ.‏