ވަގުތުގެ މުހިންމުކަން ބަޔާންކުރައްވަމުން ޚުތުބާގައި ބުނެފައިވަނީ ކީރިތި މާތް ނަބިއްޔާ ﷺ ޙަދީޘްކުރައްވާފައިވާ ގޮތުގައި ގިނަ ބަޔަކު އޭގެ އަގުވަޒަން ނުކުރާ ދެ ނިޢުމަތަކީ ޞިއްޙަތާއި ހުސްވަގުތު ކަމަށެވެ.
އެހެންކަމުން، ޣާފިލުކަމުގެ ނިދިން ހޭލައި، މާތް الله އަށް ކިޔަމަންތެރިވުމާއި، ހެޔޮ ޢަމަލުކުރުމުގައި ވަގުތު ހޭދަކުރުމަށް މިއަދުގެ ޚުތުބާގައި މުޅި އިސްލާމީ އުންމަތަށް ވަނީ އިލްތިމާސްކުރައްވާފައެވެ. ޚުތުބާ ނިންމަވާލައްވާފައިވަނީ ދުނިޔެއާއި އާޚިރަތް ބާއްޖަވެރިކުރުމަށްޓަކައި ލިބިފައިވާ ކޮންމެ ސިކުންތެއްގެ ބޭނުންވެސް ހެޔޮގޮތުގައި ހިފުމަށް ނަޞޭޙަތްތެރިވަމުންނެވެ.