ފުވައްމުލަކު ސިޓީއަށް ދިމާވި ކަރަންޓުގެ މައްސަލަ ހައްލުކޮށްފައި ވާކަމަށް ފެނަކަ ކޯޕަރޭޝަން ލިމިޓެޑުން ބުނެފިއެވެ.
ފެނަކައިން ބުނީ އެ މައްސަލަ ހައްލުކުރުމަށް ގެންދިޔަ 4500 ކިލޯވޮޓުގެ ޓްރާންފޯމާ މިއަދު އިންސްޓޯލްކޮށްފައި ވާކަމަށެވެ. އަދި މުޅި ރަށަށް މިހާރު ކަރަންޓު ދީފައި ވާކަމަށް ބުންޏެވެ.
އެ މަސައްކަތް ކުރުމަށް މިއަދު މެންދުރު އެ ރަށުން ވަނީ ތިން ގަޑިއިރަށް ކަރަންޓު ކަނޑާލާފައެވެ.
މިދިޔަ ހޯމަ ދުވަހު ފުވައްމުލަކުން ކަރަންޓު ކެނޑުނީ އެ ރަށުގައި ބޭނުން ކުރަމުން ދިޔަ ޓްރާންސްފޯމާއަށް ދިމާވި ޓެކްނިކަލް މައްސަލައަކާ ގުޅިގެންނެވެ. އަދި އޭގެ ފަހުން އެ ރަށަށް ވަގުތީ ހައްލެއް ހޯދައިދިން ނަމަވެސް ފެނަކައިން ވަނީ ކޮންމެހެން ބޭނުުންކުރަން ޖެހޭ ކަރަންޓުގެ އާލާތްތައް ނޫނީ ބޭނުން ނުކުރުމަށް އިލްތިމާސް ކޮށްފައެވެ.
ފެނަކައިން ވަނީ އެ ސިޓީގެ ރައްޔިތުން ދެއްވި އެއްބާރުލުމަށް ޝުކުރު ދަންނަވާފައެވެ.