އަންނަ ހޮނިހިރު ދުވަހަށް ލަސްކުރެވިފައިވާ ރިޔާސީ އިންތިޚާބުގައި ބައިވެރިވެވަޑައިގަންނަވާ 3 ރިޔާސީ ކެންޑިޑޭޓުންނާ މަޝްވަރާ ކުރެއްވުމަށް ރައީސް ޑރ. މުޙައްމަދު ވަޙީދު ޙަސަން ނިންމަވައިފިއެވެ.އަންނަ ބުދަ ދުވަހު ހެނދުނު 11:30 ގައި ރައީސުލް ޖުމްހޫރިއްޔާގެ އޮފީހުގައި ބާއްވަން ހަމަޖެހިފައިވާ މި ބައްދަލުވުމުގައި 3 ކެންޑިޑޭޓުންގެ ފަރާތުންވެސް ބައިވެރިވާނެކަމުގެ ޢިޝާރާތެއް މިހާރުވަނީ ލިބިފައެވެ.ރިޔާސީ ކެންޑިޑޭޓުންނާ ރައީސުލްޖުމްހޫރިއްޔާ މި ބައްދަލުކޮށްލަށްވަނީ، އަންނަ ހޮނިހިރު ދުވަހު މިބޭއްވޭ ރިޔާސީ އިންތިޚާބަކީ މިނިވަން، އިންސާފުވެރި، އަދި އޮމާން ޞުލްޙަވެރި އިންތިޚާބަކަށް ހެއްދެވުމަށް ރައީސުލްޖުމްހޫރިއްޔާ ބޭނުންފުޅުވާތީ ކަމަށް ރައީސް އޮފީހުން ހާމަކުރެއެވެ.