އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު، ރަސްމީ ދަތުރުފުޅެއްގައި ފުވައްމުލަކު ސިޓީއަށް ވަޑައިގަންނަވައިިފިއެވެ.
މިނިސްޓަރުގެ މި ދަތުރުފުޅަކީ ޒިކުރާ އިންޓަނޭޝަނަލް ކޮލެޖުގެ ދަސްވެނިވުމުގެ ރަސްމިއްޔާތުގައި ބައިވެރިވެލެއްވުމަށް އެ ކޮލެޖުގެ ދައުވަތަކަށް ކުރައްވާ ދަތުރުފުޅެކެވެ.
އިސްލާމިކް މިނިސްޓްރީން ބުނީ، މި ދަތުރުފުޅުގައި އެ ރަސްމިއްޔާތުގައި ބައިވެރިވެލެއްވުމުގެ އިތުރުން ފުވައްމުލަކު ސިޓީ ކައުންސިލާއި ބައްދަލުކުރެއްވުމާއި، ހިފްޒު ކޮމިޓީ އަދި ހުތުބާ ކޮމިޓީގެ މެމްބަރުންނާ ބައްދަލުކުރެއްވުމާއި، ހާފިޒުންނާއި ބައްދަލުކުރެއްވުމާއި އެ ސިޓީގެ އިމާމުންނާއި ބައްދަލުކުރައްވާ ގޮތަށް ވަނީ ހަމަޖެހިފައި ކަމަށެވެ.
މީގެ އިތުރުން ފުވައްމުލަކު ސިޓީގައި އެ މިނިސްޓްރީން ކުރިއަށް ގެންދާ މަޝްރޫއުތައް ބައްލަވާލެއްވުމާއި ވަގުފް އިމާރާތް އެޅުމަށް ކަނޑައެޅިފައިވާ ސަރަހައްދު ބައްލަވާލެއްވުމަށް ހަމަޖެހިފައިވާ ކަމަށް މިނިސްޓްރީން ބުނެއެވެ.
މި ދަތުރުފުޅު ނިންމަވާލެއްވުމަށްފަހު މިނިސްޓަރު އެނބުރި މާލެ ވަޑައިގެންނެވުމަށް ހަމަޖެހިފައިވަނީ 23 ވަނަ ދުވަހުއެވެ.