އައްޑޫ ސިޓީގައި މަސްތުވާތަކެތި ބޭނުންކޮށް އެތަކެތީގެ ވިޔަފާރި ކުރާ ފަރާތްތަކާއި ދެކޮޅަށް ފުލުހުން ކުރަމުންދާ މަސައްކަތްތަކުގެ ތެރެއިން، އެ ސިޓީގެ މަރަދޫފޭދޫގައި މަސްތުވާތަކެތި ބޭނުންކުރުމުގެ ހިދުމަތް ދެމުންދާކަމުގެ ތުހުމަތުގައި، ސ. މަރަދޫފޭދޫ / އުއްމީދުގެ ބަންދުކުރުމަށް މަރަދޫފޭދޫ މެޖިސްޓްރޭޓް ކޯޓުން އަމުރު ނެރެފިއެވެ.
މި ޖޫން މަހުގެ 8 ވަނަދުވަހުވެސް، މަސްތުވާތަކެތި ބޭނުންކުރުމުގެ ހިދުމަތް ދެމުންދާކަމުގެ ތުހުމަތުގައި، އެ ސިޓީގެ ހިތަދޫ ގެއެއް ބަންދުކުރަންވެސް ކޯޓުން އަމުރުކޮށްފައިވެއެވެ. އަދި ކޯޓުގެ އަމުރާއި ޚިލާފަށް މި ގެއަށް ވަތް ފަރާތެއްވެސް ބަންދުކޮށްފައިވެއެވެ.