ރާއްޖޭގައި ފުރަތަމަ ފަހަރަށް "ނެނޯ ނީޑަލް" ބޭނުންކޮށްގެން ހުޅުތަކުގެ އެތެރެ ބަލާ އަދި ފަރުވާ ދިނުމަށް ކުރެވޭ ސާޖަރީތައް ކުރަން ފަށައިފިއެވެ.
ނެނޯ ނީޑަލް ސާޖަރީއަކީ، ކުދި ކުދި ހުޅުތަކުގައި އާތްރޯސްކޯޕީގެ ވަރަށް ކުޑަކުޑަ ލޯވަޅަކުން ޖޮއިންޓް އެތެރޭގައި ހުންނަ މައްސަލަތައް ނެނޯ ނީޑަލް ބޭނުންކޮށްގެން ބަލާ އެކަމަށް ކުރާ އޮޕަރޭޝަންތަކެވެ. ސާޖަރީތަކުގައި ބޭނުން ކުރާ ނެނޯ ނީޑަލް ކެމެރާއަކީ އިންޖެކްޝަން ކައްޓެއްހާ ހަނި، ގޮތްގޮތަށް ލަނބާލެވޭ ނީޑަލް ކެމެރާއެކެވެ.
އައިޖީއެމްއެޗްގެ އޯތޮޕީޑިކްސް ޑިޕާޓްމެންޓުގެ ކޮންސަލްޓަންޓް ޑރ. އިސްމާއިލް ޒާހިރު ވިދާޅުވި ގޮތުގައި، މި އައު އުކުޅާއެކު ބަލި ދެނެގަތުމަށް ބޮޑު ލުޔެއް ލިބިގެންދާނެއެވެ.