ރާއްޖޭގައި މަރުވި ނޭޕާލްއަށް ނިސްބަތްވާ ކަންޗަން ޑަންގަލް، 25، ގެ ހަށިގަނޑާ ހަވާލުވާނެ ބަޔަކު ނެތި 29 ދުވަސް ގަލޮޅު މޯޗަރީގައި ބޭއްވުމަށްފަހު ގައުމަށް ފޮނުވާލައިފި އެވެ.ފުލުހުން ބުނީ ކަންޗަންގެ ހަށިގަނޑު އޭނާގެ ގައުމަށް ފޮނުވީ ޖެނުއަރީ 7، ގަ އެވެ. އޭނާގެ ހަށިގަނޑާ ސްޕޮންސަރުގެ ފަރާތުން ހަވާލުވެފައި ނުވާތީ، އަނބުރާ ގައުމަށް ފޮނުވީ ނޭޕާލް އެމްބަސީއާ މަޝްވަރާތައް ކުރުމަށްފަހު އެވެ.މިދިޔަ ޑިސެމްބަރު 9، ގެ ހެނދުނު ކަންޗަން އައިޖީއެމްއެޗް ހޮސްޕިޓަލުގެ އީއާރަށް ގެންދިޔައީ ވަރަށް ބޮޑަށް ބަނޑުގައި ރިއްސާތީ ކަމަށާއި އޭނާ ހޮސްޕިޓަލަށް ގެނައި މަގުމަތީ ހަބަރު ހުސްވި ކަމަށް ފުލުހުން ބުންޏެވެ.މިއަދު ފުލުހުން މީޑިއާތަކަށް ފޮނުވި މެސެޖެއްގައި ވިދާޅުވީ އޭނާގެ ހަށިގަނޑު 7 ޖެނުއަރީގައި ގައުމަށް ފޮނުވާލާފައިވާ ކަމަށެވެ.ފުލުހުން ބުނީ ތަހުގީގަށް އެނގިފައިވާ ގޮތުގައި، ކަންޗަން ދުންގެލް ހޮސްޕިޓަލަށް ގެނެސްފައިވަނީ ވަރަށް ބޮޑަށް ބަނޑުގައި ރިއްސަން ފެށުމުންނެވެ. ހޮސްޕިޓަލަށް ގެނައުމުގެ މަގުމަތީގައި އޭނާގެ ހަބަރު ހުސްވިކަން ފާހަގަކުރެވިފައިވާ ކަމަށް ފުލުހުން ބުނެ އެވެ.ފުލުހުން ހާމަކުރި ގޮތުގައި، މެޑިކޯ ލީގަލް ރިޕޯޓްގައި ކަންޗަން ދުންގެލް މަރުވި ސަބަބު ނޭނގޭކަމަށް ވަނީ ބަޔާންކޮށްފަ އެވެ. މި ރިޕޯޓްގައި އޭނާ އަށް ޖިންސީ އަނިޔާއެއް ލިބިފައިވާކަން އެއްވެސް މިންވަރަކަށް ފާހަގަކޮށްފައި ނުވާ ކަމަށާއި، ކަންޗަން ދުންގެލް އަކީ އެނީމިއާގެ ހިސްޓްރީ އޮތް އޮތް މީހެއްކަން އެނގިފައިވާކަމަށް ފުލުހުން ވަނީ ބުނެފަ އެވެ.