މި ރޯދަ މަހާ ގުޅިގެން، ދިރާގު އެޕް މެދުވެރިކޮށް 'ކާށި ބިނދެގެން' ޗައިނާއަށް ދިއުމުގެ ފުރުސަތު ލިބޭ ހާއްސަ ޕްރޮމޯޝަނެއް ވަނީ ފަށާފަ އެވެ.
ވީ ކިހިނެއް؟ - މި ޕްރޮމޯޝަން ކުރިއަށްދާނީ ކޮންމެ ދުވަހެއްގެ މެންދުރުފަހު 1 އިން ފެށިގެން ހަވީރު 6 އަށެވެ.
ތަފްސީލް - ދިރާގު އެޕުންް 'ކާށި ބިނދެގެން':
ކޮންމެ ދުވަހަކު ވެސް 2ޖީބީގެ ހިލޭ ޑޭޓާ ހޯދުމުގެ ފުރުސަތު އޮންނާނެ 
މެދުކެނޑުމެއް ނެތި 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް، ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބޭނެ
ކޮންމެ ދުވަހަކު ލިބޭ ޑޭޓާގެ އިތުރުން:
ވިދިވިދިގެން 5 ދުވަސް، 10 ދުވަސް ނުވަތަ 20 ދުވަހު ކާށި ބިނދެގެން ކަސްޓަމަރުންނަށް 1ޓީބީއާ ހަމައަށް ހިލޭ ޑޭޓާ ލިިބޭނެ 
މެދުކެނޑުމެއް ނެތި 10 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް ސެމްސަންގް ގެލެކްސީ ވޮޗު އަލްޓްރާއެއް ލިބޭނެ
ޖެހިޖެހިގެން 20 ކާށި ބިންނަ ކަސްޓަމަރުންނަށް ސެމްސަންގް ގެލެކްސީ އެސް26 އަލްޓްރާ ފޯނެއް ހޯދުމުގެ ފުރުސަތު ލިބޭނެ
ފާހަގަކޮށްލެވޭ - މި ޕްރޮމޯޝަންގެ މަގްސަދަކީ ރޯދަ މަހު ހިލޭ ޑޭޓާ އާއި އަގުހުރި އިނާމުތަކާ އެކު ޑިޖިޓަލް ވަސީލަތްތައް މެދުވެރިކޮށް ގުޅުންތައް ބަދަހިކުރުމުގެ ފުރުސަތު ކަސްޓަމަރުންނަށް ފަހިކޮށްދިނުން ކަމަށް ދިރާގުން ބުންޏެވެ.
ދިރާގުން އަންނަނީ ކަސްޓަމަރުންނަށް ފައިދާކުރަނިވި އަދި އާ ތަޖުރިބާތަކެއް ލިބިގެންދާނެ ފަދަ ހިދުމަތްތަކާއި ޕްރޮމޯޝަންތައް ފޯރުކޮށްދެމުންނެވެ.