ރާއްޖެ، އިންޑިއާގެ ސްޓޭޓަކަށް ނުހެދޭނެކަމަށާ ހަތިޔާރުނަގާ ހަނގުރާމަކޮށްގެންވެސް، ދިވެހި ގައުމުގެ މިނިވަންކަން ދިފާއުކުރާނެކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
އުމަރު މިހެން ވިދާޅުވީ އެމަނިކުފާނުގެ ފޭސްބުކް ޕޭޖުގައި މިއަދު ކުރައްވާފައިވާ ޕޯސްޓެއްގައެވެ.
އުމަރު ވިދާޅުވީ މިގައުމުގެ ސިޔާސީ ލީޑަރުން ރުއްސައިގެން، ސިޔާސީ ކެންޕެއިންތަކަށް ފަންޑުކޮށްދީގެން، 2030 ވަނަ އަހަރު އަންނަންވާއިރަށް، މިގައުމު އިންޑިއާގެ ސްޓޭޓަކަށް ހެދޭތޯ ޕްލެއިންކުރާ ބިދޭސީންނަށް ދަންނަވަން އޮތީ، ހަތިޔާރުނަގާ ހަނގުރާމަކޮށްގެންވެސް، މާތްﷲގެ ވާގިފުޅާއެކު ދިވެހި ގައުމުގެ މިނިވަންކަން ދިފާއުކުރާނެކަމަށެވެ.