މިނިސްޓްރީން ބުނީ މި އެއްބަސްވުމުގެ ބޭނުމަކީ މޫސުމީ ބަދަލުތަކަށް ވިލުންތެރިވުމާއި ތިމާވެށްޓަށް ދިމާވާ މައްސަލަތައް ހައްލުކުރުމާއި އިއާދަކުރަނިވި ހަކަތަ ގާއިމްކުރުމަށް ކުރެވޭ މަސައްކަތްތައް ރާއްޖޭގައި ވަރުގަދަ ކުރުން ކަމަށެވެ.
މޫސުމީ ބަދަލުތަކާއި ތިމާވެށީގެ ދާއިރާއިން މައުލޫމާތު ބަދަލުކުރުމުގެ އެއްބަސްވުމެއްގައި ރާއްޖެއިން އެސްޓޯނިއާއާއެކު ސޮއިކޮށްފި އެވެ.
މި އެއްބަސްވުމުގައި ސޮއިކޮށްފައި ވަނީ ރައީސް ޑރ. މުހައްމަދު މުއިއްޒު އަދި ސަރުކާރުގެ އިސްވެރިން މިހާރު އެސްޓޯނިއާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިންނެވެ. މި އެސްބަސްވުމުގައި ރާއްޖޭގެ ފަރާތުން ސޮއިކުރެއްވީ ފޮރިން މިނިސްޓަރު ޑރ. އަބްދުﷲ ހަލީލެވެ. ފޮރިން މިނިސްޓްރީން ބުނިގޮތުގައި، މި އެއްބަސްވުމުގެ ދަށުން މޫސުމީ ބަދަލުތަކާއި ތިމާވެށްޓާއި ހަކަތައިގެ ދާއިރާއިން ދެ ގައުމުގެ ދެމެދުގައި މައުލޫމާތު ބަދަލުކުރު ހިމެނޭ ކަމަށެވެ. އޭގެ އިތުރުން އެކިއެކި އެހީފޯރުކޮށްދިނުމާއި، އެ ދާއިރާއިން ދެ ގައުމު ގުޅިގެން މަސައްކަތް ކުރުން ހިމެނެ އެވެ.
މިނިސްޓްރީން ބުނީ މި އެއްބަސްވުމުގެ ބޭނުމަކީ މޫސުމީ ބަދަލުތަކަށް ވިލުންތެރިވުމާއި ތިމާވެށްޓަށް ދިމާވާ މައްސަލަތައް ހައްލުކުރުމާއި އިއާދަކުރަނިވި ހަކަތަ ގާއިމްކުރުމަށް ކުރެވޭ މަސައްކަތްތައް ރާއްޖޭގައި ވަރުގަދަ ކުރުން ކަމަށެވެ.މިއީ ރާއްޖޭން އެސްޓޯނިއާއަށް ކުރާ ފުރަތަމަ ރަސްމީ ދަތުރުފުޅެވެ. މި ދަތުރުފުޅުގައި ދެ ގައުމުގެ ގުޅުން އިތުރަށް ބަދަހިކޮށް މުހިންމު މަޝްވަރާތަކެއް ކުރާނެ އެވެ. ހާއްސަ ގޮތެއްގައި ޓެކްނޮލޮޖީގެ ދާއިރާ ފާހަގަކޮށްލެވެ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ