ތ. އަތޮޅާއި ލ. އަތޮޅަށް މުދާ އުފުލާ "ހޮޅުދޫ ބޯޓުގައި" މިރޭ ރޯވެ ހިނގި އަލިފާނުގެ ހާދިސާގައި، ބޯޓުން ދަތުރުކުރި އެކަކު ގެއްލިގެން ހޯދަން ފަށައިފި އެވެ.އެމްއެންޑީއެފްއިން ބުނީ 'ހޮޅުދޫޫ ބޯޓު' ކިޔާ މުދާ އުފުލާ ބޯޓެއްގައި އަލިފާން ރޯވެ، އެމްއެންޑީއެފް ކައްދޫ ފަޔާ ސްޓޭޝަނުން ހަރަކާތްތެރިވަމުން އަންނަ ކަމަށެވެ.މާލެ އާއި ތ. އަތޮޅުގެ ރަށްރަށާ ދެމެދު ދަތުރު ކުރާ އެ ބޯޓުގައި އަލިފާން ރޯވާން ދިމާވި ސަބަބެއް އަދި ނޭނގެ އެވެ.އެނގިފައިވާ ގޮތުގައި އެ ބޯޓުން ދަތުރުކުރި 18 ވަރަކަށް މީހުންގެ ތެރެއިން ގެއްލިގެން ހޯދަނީ ލ. މާވަށު، އަލީ މުޝްފިގް، 25 އެވެ. ކޯސްޓްގާޑާއި އާއްމުން ގުޅިގެން އޭނާ ހޯދުމުގެ މަސައްކަތް އަންނަނީ ކުރަމުންނެވެ.އެމްއެންޑީއެފުން ހިއްސާކުރި މި ހާދިސާގެ ވީޑިއޯގައި ފެންނަ ގޮތުގައި ރޯވި އަލިފާންގަނޑު ވަނީ މުޅި ބޯޓަށް ފެތުރިފަ އެވެ. އަލިފާން ރޯވެފައި ވަނީ ބޯޓު ސަލާމަތްކުރެވޭ ވަރަށް ވުރެ ބޮޑަށެވެ.