މޯލްޑިވްސް އިސްލާމިކް ބޭންކު (އެމްއައިބީ)ގެ ގެސްޓްހައުސް އެވޯޑަށް ކުރިމަތިލުމުގެ ފުރުސަތު، މިއަހަރުގެ ޖުލައި މަހު ހުޅުވާލާނެ ކަމަށް އެ އެވޯޑުގެ މަސައްކަތްތައް ކުރުމާ ހަވާލުވެފައިވާ ކްރޯ މޯލްޑިވްސްއިން މިއަދު ބުނެފިއެވެ. މި އެވޯޑަށް ހުށަހެޅުމުގެ ފުރުސަތު ހުޅުވާލަން ހަމަޖެހިފައި ވަނީ ޖުލައި 15ގައެވެ. މިއަދު މާގިރި ހޮޓެލްގައި އޮތް ނޫސްވެރިންގެ ބައްދަލުވުމުގައި ކްރޯ މޯލްޑިވްސްގެ މެނޭޖިން ޕާޓްނަރު ހަސަން މުހައްމަދު ވިދާޅުވީ މި އެވޯޑަށް ކުރިމަތިލުމަށް މަހެއްހާ ދުވަހުގެ މުއްދަތެއް ލިބޭނެ ކަމަށެވެ. މި އެވޯޑު ދޭ ކެޓަގަރީތައް މިހާރު ކަނޑައަޅާފައިވާކަން ފާހަގަކުރައްވައި ހަސަން ވިދާޅުވީ އެ ކެޓަގަރީތަކަކީ ދާއިރާގައި ކުރިއަށް ދިޔުމަށް މުހިންމު އެވޯޑުތަކަކަށް ވާނެ ކަމަށެވެ. މި އެވޯޑުގައި ގެސްޓްހައުސްތަކަށް ޖުމްލަ އަށް ކެޓަގަރީއަކުން އެވޯޑު ދިނުމަށް ވަނީ ހަމަޖެހިފައެވެ. އެގޮތުން އެވޯޑު ދޭ ކެޓަގަރީތަކަކީ: ސާވިސް އެކްސެލެންސް އެންޑް ހޮސްޕިޓާލިޓީ އެވޯޑު އޮތެންޓިކް މޯލްޑިވިއަން އެކްސްޕީރިއަންސް އެވޯޑު އައިލެންޑް އެކްސްކާޝަން އެންޑް އެކްސްޕީރިއަންސް އެވޯޑު ކަލިނަރީ އެކްސްޕީރިއަންސް އެވޯޑު އީކޯ ފްރެންޑްލީ އެވޯޑު ކޮމިއުނިޓީ އިމްޕެކްޓް އެވޯޑު ޑިޖިޓަލް ޕްރެޒެންސް އެވޯޑި އައިކޮނިކް މެރިން އެންޑް ޑައިވް އެކްސްޕީރިއަންސް އެވޯޑު އެމްއައިބީ ގެސްޓްހައުސް އެވޯޑަށް ޖުލައި މަހު ހުޅުވާލަނީ: އެކަން އިއުލާނުކުރީ މިއަދު ބޭއްވި ނޫސްވެރިންގެ ބައްދަލުވުމުގައި -- ފޮޓޯ/ އެމްއައިބީ މީގެ އިތުރުން ގެސްޓްހައުސް އިންޑަސްޓްރީގައި މަސައްކަތް ކުރާ ފަރާތްތަކަށް ވެސް ތިން ކެޓަގަރީއަކުން އެވޯޑު ދިނުމަށް ވަނީ ކަނޑައަޅައިފައެވެ. އޭއީ: ޓެލެންޓެޑް ކަލްޗާ ޗެމްޕިއަން އެވޯޑު ގެސްޓް އެކްސްޕީރިއަންސް ޗެމްޕިއަން އެވޯޑް އައުޓްސްޓޭންޑިން ޑައިވް ލީޑާ އެވޯޑު މިއީ ނެޝަނަލް ހޮޓެލް އެންޑް ގެސްޓްހައުސް އެސޯސިއޭޝަނުން އެންޑޯސްކޮށްފައިވާ އެވޯޑެކެވެ. އެ ޖަމިއްޔާއިން ވަނީ އެކަމުގެ ލިޔުން އެމްއައިބީއާ ހަވާލުކޮށްފައެވެ.