މިއަހަރުގެ ރަމަޟާން މަހާ ގުޅިގެން، ދިރާގު އެޕް މެދުވެރިކޮށް "ކާށި ބިނދެގެން" ޗައިނާއަށް ދިއުމުގެ ފުރުސަތު ލިބޭ ޚާއްސަ ޕްރޮމޯޝަނެއް ތައާރަފުކޮށްފިއެވެ. މި ޕްރޮމޯޝަން މެދުވެރިކޮށް ކަސްޓަމަރުންނަށް އަގުހުރި އިނާމުތަކެއް ހޯދުމުގެ ފުރުސަތު ލިބިގެންދާނެ ކަމަށް ދިރާގުން ބުންޏެވެ. މި ޕްރޮމޯޝަން ކުރިއަށްދާނީ ކޮންމެ ދުވަހެއްގެ މެންދުރު 1:00އިން ފެށިގެން ހަވީރު 6:00އާ ހަމައަށެވެ. ދިރާގުން ބުނި ގޮތުގައި ދިރާގު އެޕްއިންް "ކާށި ބިނދެގެން" ކޮންމެ ދުވަހަކުވެސް 2ޖީބީގެ ހިލޭ ޑޭޓާ ހޯދުމުގެ ފުރުސަތު އޮންނާނެއެވެ. އަދި މެދުކެނޑުމެއްނެތި 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް، ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބިގެންދާނެ ކަމަށް ދިރާގުން ބުންޏެވެ. ކޮންމެ ދުވަހަކު ލިބޭ ޑޭޓާގެ އިތުރުން، ވިދިވިދިގެން ފަސް ދުވަސް، 10 ދުވަސް ނުވަތަ 20 ދުވަހު ކާށި ބިނދެގެން ކަސްޓަމަރުންނަށް އެއް ޓީބީއާ ހަމައަށް ހިލޭ ޑޭޓާ ލިބޭނެ ކަމަށް ދިރާގުން ބުންޏެވެ. މީގެ އިތުރުން، މެދުކެނޑުމެއްނެތި 10 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް ސެމްސަންގް ގެލެކްސީ ވޮޗް އަލްޓްރާއެއް ލިބޭނެ ކަމަށް ދިރާގުން ބުންޏެވެ. އަދި، ޖެހިޖެހިގެން 20 ކާށި ބިންނަ ކަސްޓަމަރުންނަށް ސެމްސަންގް ގެލެކްސީ އެސް26 އަލްޓްރާ ފޯނެއް ހޯދުމުގެ ފުރުސަތު ވެސް ލިބޭނެ ކަމަށް އެ ކުންފުނިން ބުންޏެވެ. މި ޕްރޮމޯޝަންގެ މައިގަނޑު މަގްސަދަކީ ބަރަކާތްތެރި ރަމަޟާން މަހުގައި، ހިލޭ ޑޭޓާއާއި އަގުހުރި އިނާމުތަކާއެކު ޑިޖިޓަލް ވަސީލަތްތައް މެދުވެރިކޮށް ގުޅުންތައް ބަދަހިކުރުމުގެ ފުރުސަތު ކަސްޓަމަރުންނަށް ފަހިކޮށްދިނުން ކަމަށް ދިރާގުން ބުންޏެވެ. އަދި ދިރާގުން ދަނީ ކަސްޓަމަރުންނަށް ފައިދާކުރަނިވި، އަދި އައު ތަޖުރިބާތަކެއް ލިބިގެންދާނެ ފަދަ ޚިދުމަތްތަކާއި ޕްރޮމޯޝަންތައް ފޯރުކޮށްދެމުންނެވެ.