ބައެއް ސަރަހައްދުތަކަށް މޫސުން ގޯސްވާނެތީ، މޫސުމާއި ބެހޭ ގައުމީ އިދާރާއިން ޔެލޯ އެލާޓާއި ވައިޓް އެލާޓް ނެރެފިއެވެ.
ޔެލޯ އެލާޓް ނެރެފައިވަނީ މިއަދު ހެނދުނު 8:15 އިން 11:00 އަށް ރ. އަތޮޅުން ފެށިގެން ތ. އަތޮޅާއި ދެމެދުގެ ރަށްތަކަށެވެ. އަދި ލ. އަތޮޅަށް މިވަގުތު ވައިޓް އެލާޓް ނެރެފައިވެއެވެ. ޔެލޯ އެލާޓޫ ނެރެފައިވީ ނަމަވެސް އެ ސަރަހައްދުގެ ކަނޑުތައް މަޑުވާނެ ކަމަށް މެޓު އޮފީހުން ބުނެއެވެ.
މިއަދު ހެނދުނު 8:00 އާއި ހަމައަށް މާލެ ސަރަހައްދަށް 85 މިލިމީޓަރުގެ ވާރޭވެހިފައިވާ ކަމަށް މޫސުމާއި ބެހޭ ގައުމީ އިދާރާއިން ބުނެއެވެ.