އެމްޑީޕީގެ ޗެއާޕާސަންގެ މަގާމަށް ގަލޮޅު ދެކުނު ދާއިރާގެ މެންބަރު މީކާއިލް އަހްމަދު ނަސީމް ވާދަކުރެއްވުމަށް ނިންމަވައިފި އެވެ.އެމްޑީޕީގެ ޗެއާޕާސަންގެ މަގާމު ހުސްވީ އެ މަގާމު ފުރުއްވަމުން ގެންދެވި ފައްޔާޒް އިސްމާއިލް އެ މަގާމުން މިދިޔަ އާދީއްތަ ދުވަހު އިސްތިއުފާ ދެއްވުމުންނެވެ.ޗެއާޕާސަންގެ އިންތިހާބު ބާއްވާނެ ތާރީހު އަދި ކަނޑަނާޅައި އޮތް ނަމަވެސް މީކާއީލް މިރޭ ވިދާޅުވީ، އެމްޑީޕީގެ ލީޑަޝިޕުން އާ ޖީލަކަށް ހޯދުމުގެ މި މުހިންމު މަސައްކަތުގައި އެ ޕާޓީގެ އާންމު މެމްބަރުންގެ އެއްބާރުލުމަށާއި ތާއީދަށް އެދިވަޑައިގަންނަވާ ކަމަށެވެ.