ސަލީމް ވަނީ ގައުމަށް ނުރައްކަލެއް އަންނަހެން ހީވާކޮންމެ ކަމެއްގައި 241 ކޮމެޓީން އެންމެ އަވަހަށް މަސައްކަތް ކުރާނެކަމުގެ ޔަގީންކަން ދެއްވާފަ އެވެ.
ސަލާމަތީ ހިއްދުމަތްތަކާ ބެހޭ ކޮމެޓީ (241) ކޮމެޓީގެ މަސައްކަތުގައި މަގުމަތިން އަންނަ ޕްރެޝަރަށް ބޯނުލަނބާނެ ކަމަށާ އެފަދަ ހާލަތެއް އަތުވެއްޖެނަމަ އިންނާނީ ގޭގައި ކަމަށް ކޮމެޓީގެ މުގައްރިރުގެ އަހުމަދު ސަލީމް (ރެޑްވޭވް ސަލީމް) ވިދާޅުވެއްޖެ އެވެ. 
ހޯކްސް އިން ސިނގިރޭޓްތަކެއް ގަވައިދާ ހިލާފަށް އެތެރެ ކުރުމާއި އިޒްރޭލް ޕާސްޕޯޓުގެ މައްްސަލާގައި 241 ކޮމެޓީގައި މިއަދު ވާހަކަ ދައްކަވަމުން މަޝްހޫރު ވިޔަފާވެރިޔާ ސަލީމް ވިދާޅުވީ ކޮމެޓީގެ މަސައްކަތުގައި ކޮމެޓީން ދުލެއް ނުދާނެ ކަމަށާ މަސައްކަތާއިގެން ކުރިއަށްދާނެ ކަމަށެވެ. ގައުމަށް ނުރާއްކާތެރިކަމެއް އަންނަ އެއްވެސް ކަމެއް ހިނގައިފާނެ ކަމަށް ހީވާނަމަ 241 ކޮމެޓީން ފުރުސަތެއް ނުދާނެ ކަމަށެވެ. 
"މަގުމަތިން ނުވަތަ އެހެން ތަނަކުން އަންނަ ހަމަލާއަކަށް ޖެހިލުމެއް ނުވާނެ މި ކޮމެޓީގެ މެންބަރުންނެއް. ހަމަ ގައިމުވެސް އަޅުގަނޑެއް. މި ކޮމެޓީން އެކަން ގެންދެވެން އޮތް އެންމެ އިންސާފު ހިސާބަށް ގެންދާނެ. ކަމާ ގުޅުންހުރި ހުރިހާ ވުޒާރާތަކަށް އެ ހުރީ ސިޓީ ފޮނުވާފަ. ޓްރާންސްޕޯޓުން ޖަވާބު ދިނުމުގެ އެންމެ ފަހު ތާރީހަކީ 26 ނޮވެމްބަރަށް ފުރުސަތު ދީފަ. އޭގެފަހުން ޖަވާބު ނުލިބޭނަމަ މިނިސްޓްރީއަށް ވެސް ހާޒިރު ކުރާނެ،" ސަލީމް ވިދާޅުވި އެވެ. 
މަޖިލީހުގައި މިއަދު އޮތް ކޮމެޓީގެ ބައްދަލުވުމުގައި ހޯމްސް އިން ސިނގިރޭޓް ތަކެއް ގަވައިދާ ހިލާފަށް އެތެރެކުރި މައްސަލާގައި އިތުރު މައުލޫމާތު ސާފު ކުރަން ޓްރާންސްޕޯޓް މިނިސްޓްރާއި ހޯމް ލޭންޑް މިނިސްޓަރު މަޖިލީހަށް ހާޒިރު ކުރަން ނިންމާފަ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ