މާލެ ސިޓީގެ ބައެއް ސަރަހައްދުތަކުން މާދަމާ ކަރަންޓު ކެނޑިދާނެ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނީ، އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް ކަރަންޓުގެ ހިދުމަތް ކެނޑުމަށް ހަމަޖެހިފައިވަނީ ހަނދުވަރީ ހިނގުން، އިރަމާ މަގު އަދި އިއްޒުއްދީން މަގު ހިމެނޭ ސަރަހައްދުން ކަމަށެވެ.
އެ ސަރަހައްދުތަކުން ކަރަންޓުގެ ކެނޑޭނެ ކަމަށް ލަފާކޮށްފައިވަނީ ހެނދުނު 9:30 އިން 11:30 އަށް ކަމަށް ސްޓެލްކޯއިން މައުލޫމާތު ދެއެވެ.
އެ ސަރަހައްދުގެ އިތުރުން ދެން ކަރަންޓުގެ ހިދުމަތް ކެނޑުމަށް ހަމަޖެހިފައިވަނީ އަބަދަށްފެހި މަގު، ކަޅުހުރާ މަގު، ގުލޭނޫރަން މަގު، އަމީރު އަހުމަދު މަގުގެ އިތުރުން ސޯސަން މަގު ހިމެނޭ ސަރަހައްދުންނެވެ.
މި ސަރަހައްދުން ކަރަންޓުގެ ހިދުމަތް ކެނޑިދާނެ ކަމަށް ބުނެފައިވަނީ 14:00 އިން 16:00 އަށެވެ.
މިކަމާ ގުޅިގެން ދިމާވެދާނެ ދަތިތަކަށް، ސްޓެލްކޯ އިން މާފަށް އެދެއެވެ.