މަސްތުވާ އެއްޗެއް ބޭނުންކުރުމާ ފާލުބަލާ މީހުންގެ ގާތަށްގޮސް ކަންކަން އޮޅުންފިލުވުމާއި ރާހި ބެލުމާއި އަތްބެލުމާއި ސިޙުރުވެރިން ދައްކާ ވާހަކަ ޤަބޫލުކުރުން ފަދަ ފާފަތައް ކުރުމުން އެމީހަކު ކުރާ ނަމާދު 40 ދުވަސްވަންދެން ޤަބޫލުފުޅު ނުކުރައްވަވާނެ ކަމަށް ޙަދީޘްފުޅުގައި އޮތުމަކީ ނަމާދުނުކޮށް ނުކޮށް ހުންނަން ހުއްދަލިބޭ ސަބަބެއް ނޫނެވެ.  
ނަމާދު ނުކުރުމަކީ ނުކިޔަމަންތެރިކަމެކެވެ. ވީމާ ނަމާދުކުރަން ޖެހޭނެއެވެ. ފަރުޟް ނަމާދުތަކާއި ސުންނަތް ނަމާދުތައްވެސް ކުރަންޖެހޭނެއެވެ. އޮތީ ތައުބާވެ ތިމާކުރާ ނަމާދު ޤަބޫލުފުޅު ކުރެއްވެވުމަށް އުންމީދުކުރުމެވެ. އެކަމަށް އެދި ދުޢާކުރުމެވެ.  
މީގެ އިތުރުން އެ ޙަދީޘްފުޅުތަކުގެ މާނައަކީ ނަމާދުނުކޮށް ހުންނަން ހުއްދަލިބުމެއްވެސް ނޫނެވެ. މާނައަކީ ކުރާ ނަމާދުގެ ފުރިހަމަ ޘަވާބު ނުލިބޭނެ ކަމެވެ. އެކަމަކު އެމީހެއްގެ ތައުބާ ޤަބޫލުފުޅުކުރައްވަވައި ޘަވާބު ނުލިބޭނެ ކަމަށް އަމިއްލައަށް  ނިންމުމެއް ނެތެވެ.  
މީގެ އިތުރުންވެސް ވަރަށް ބޮޑަށް ސަމާލުކަންދޭންޖެހޭ ކަމެއް އެބައޮތެވެ. އެއީ ފާލުބަލާ މީހުންގެ ގާތަށް ގޮސް އެމީހުން ދައްކާ ވާހަކަ ޤަބޫލުކުރުމާއި ރާހިބެލުން ފަދަ ކަންކަމެވެ. އެކަންކަން ކުރުމަކީ ޝިރުކުގެ ޢަމަލެކެވެ. ކުފުރުގެ ޢަމަލެކެވެ. އެފަދަ ކަމެއް ކުރެވިއްޖެނަމަ ތައުބާވުމަށް އަވްސްވެގެންނަންވާނެއެވެ.
 
- މުފްތީ މެންކުގެ ދަރުސަކުން
 
ފާލުބަލާ މީހުންގެ ގާތަށްގޮސް ކަންކަން އޮޅުންފިލުވުމާއިމެދު ޝައިޚް ޢާޞިމް އަލްޙަކޫމްގެ ބަސްފުޅު:
https://www.youtube.com/watch?v=C2ROttJhrck
 
ނަމާދުނުކޮށް ހުރުމާއިމެދު ޝައިޚް ޢާޞިމް އަލްޙަކީމްގެ ބަސްފުޅު:
https://www.youtube.com/watch?v=cttCDBbQsMk