ނަރަކައަށް ވަންނަން ބޭނުންވާނެ ހަަމއެކަކުވެސް ނުހުންނާނެއެވެ. ކޮންމެ މުސްލިމަކުވެސް މަސައްކަތްކުރާނީ ނަރަކައިން ސަލާމަތްވުމަށެވެ. މައްސަލައަކަށްވަނީ ނަރަކައިން ސަލާމަތްވުމަށް ކުރަންހުރި މަސައްކަތްކުރުމުގައި ފަރުވާކުޑަކުރެވޭކަމެވެ. އެހެންވެ މިބަލައިލަނީ މިބަލައިލަނީ މެންދުރުނަމާދުގެކުރިން ކުރަން އޮތް ސުންނަތުގެ 4 ރަކްޢަތާއި ފަހުން ކުރަން އޮތް 4 ރަކްއަތުގެ މައްޗަށެވެ.  
ފަރުވާތެރިވެ މެންދުރު ނަމާދަށް ބަންގިގޮވާއިރު މިސްކިތުގައި ހުންނަ މީހާއަށް ނަރަކައިން ސަލާމަތްވުން ވަރަށް ފަސޭހަވާނެއެވެ. އަންހެނުން ގޭގައި މެންދުރުނަމާދުކުރިނަމަވެސް ފުރިހަމައަށް ކޮށްފިނަމަ ހަމަ އެ ފުރުޞަތު ލިބިގެންދެއެވެ.  
މެންދުރުނަމާދަށް ގޮވާއިރު ފިރިހެނުން މިސްކިތުގައި ތިބެންވީ އެންމެ ބޮޑު ސަބަބަކީ އިހު ސުންނަތުގެ 4 ރަކްޢަތް އެއިގެ ވަޤުތުގައި އެންމެ ރަނގަޅަށް ކުރެވޭނީ ބަންގި ނިމޭއިރު މިސްކިތުގައި ހުރެގެން ކަމަށްވުމެވެ. ހަދީޘުން އެނގެން އޮތް ގޮތުގައި މެންދުރު ނަމާދުގެ ކުރިން އިހު ސުންނަތުގެ 4 ރަކްޢަތާއި މެންދުރު ނަމާދުގެ ފަހުންކުރާ ސުންނަތުގެ 4 ރަކްޢަތް، ޖުމުލަ 8 ރަކްޢަތް ކުރާ މީހާއަށް ނަރަކައިން ސަލާމަތްވެވޭނެއެވެ.  
Our Mother Um Habeebah رضي الله عنهما relates: Allaah’s Messenger صلى الله عليه وسلم said: "Whoever prays four (raka'at) before zuhr and four after it, Allaah will make the Fire prohibited for him." Takhreej: { Imam Abu Dawud in his Sunnan#.1269 and At Tirmidhi # 427 and graded as Saheeh by Shaykh al Albaani and Hasan by Abu Taahir رحمهم الله } 
Another hadeeth : "He won’t touch the Fire" Another hadeeth: "Allaah makes his flesh prohibited for the fire" 
މިއީ ގޭގައި ނަމާދުކުރާ އަންހެނުން ވެސް ސަމާލުކަންދިނުން ވަރަށް މުހިންމު ކަމެކެވެ. ކުރަންހުރި މަސައްކަތް ބަހައްޓާފައިވެސް ކުރަންޖެހޭ ކަމެކެވެ. އެހެނީ އަހަރެމެންނަށް އޮތް އެންމެ ބޮޑު އުފަލަކީ ސުވަރުގެ ލިބުން ފަދައިން އަހަރެމެނެންނަށް އޮތް އެންމެ ބޮޑު ބިރަކީ ނަރަކައިން ސަލާމަތްނުވެވުމެވެ. ސުވަރުގެ ވަދެވޭނީ ނަރަކައިން ސަލާމަތްވެވިގެނެނެވެ.
 
- އިސްލާމީ ތިލަފަތުގެ ދަރުސަކުން