އެމްޑަބްލިއުއެސްސީ ގައި ހުރި ޓްރާންސްފޯމަރެއް ގޮވައިގެން އިއްޔެ މެންދުރުފަހު މުޅި މާލެއިން ކަރަންޓު ކެނޑުނު މައްސަލާގައި ސްޓެލްކޯއިން މާފަށް އެދިއްޖެއެވެ.
ސްޓެލްކޯ އިން އިއްޔެ އާއްމުކޮށްފައިވާ ބަޔާނެއްގައި ބުނެފައިވަނީ 5 މާރޗް 2017 ވީ އާދީއްތަ ދުވަހު 13:00 ހާއިރު މާލެއިން ކަރަންޓު ކެނޑެން މެދުވެރިވީ އެމްޑަބްލިއުއެސްސީ އަށް ކަރަންޓު ދިނުމަށް ވަގުތީ ގޮތުން ކަރަންޓު ދިނުމަށް ބަހައްޓާފައިހުރި ތްރާންސްފޯމަރެއްގެ ހައިވޯލްޓޭޖް ކޭބަލަށް ދިމާވި މައްސަލައަކުން ކަމަށާއި ކަރަންޓު ކެނޑުނީ ކޭބަލް ޝޯޓް ސާރކިޓްވުމުގެ ސަބަބުން ކަމަށެވެ.
"ކަރަންޓު ކެނޑުމުގެ ސަބަބުން މިކުންފުނީގެ ކަސްޓަމަރުންނަށް ދިމާވި ދަތިތަކަށް މިކުންފުނިން ނިހާޔަތަސް މާފަށް އެދެމެވެ." ސްޜެލްކޯއިން އިއްޔެ ނެރުނުބަޔަނުގައި ލިޔެފައިވެއެވެ.
މީގެއިތުރުން އެބަޔާނުގައިވަނީ އިއްޔެ ހިނގި ހާދިސާ ހިނގަން މެދުވެރިވީ ސަބަބު އެކުންފުނިން އިތުރަށް ތަޙުޤީޤު ކުރަމުން އަންނަ ކަމަށާއި އެކަން ކަސްޓަމަރުންނާއި ހިއްސާ ކުރާނެ ކަމަށެވެ.