ތިބާ ކުރާނެ ކަމެއް ކޮށް އުޅޭނެ ގޮތަކަށް އުޅުމުގެ މިނިވަންކަންދޭ ބައިވެރިޔާއަކީ ތިބާދެކެ ލޯބިވާ މީހެއް ނޫން!

ގިނަ ބައަކަށް ވިސްނިފައި އޮންނަނީ ތިމާ ކުރާނެ ކަމެއް ކޮށް އުޅޭނެ ގޮތަކަށް އުޅުމުގެ މިނިވަންކަންދޭ ބައިވެރިޔާއަކީ ތިބާދެކެ ވަރަށް ބޮޑަށް ލޯބިވާ މީހެއް ކަމަށެވެ. ނަމަވެސް ޙަޤީޤަތަކީ އެއީއެއް ނޫނެވެ.  
ކައިވެނިކުރުމަށްފަހު އަނެކާއަށް ކުރެވޭނެ ކަންތަކާއި އުޅެވޭނެ ގޮތުގެ އިންތަކެއް ދެމީހުން ކަނޑައަޅަންވާނެއެވެ. އެކަންކުރަންވީވެސް ކައިވެނިކުރުމުގެ ކުރިންނެވެ. ކައިވެނިކުރުމަށްފަހު އިންތައް ކަނޑައަޅަން އުޅޭނަމަ ކުރިމަތިވާނެ މައްސަލަތައް ވަރަށް ގިނަވާނެއެވެ.  
ޤާނޫނުތަކާއި ޤަވާއިދުތައް ކަނޑައަޅަނީ ވަރަށް މުހިންމު ބޭނުމަކުއެވެ. އަދި ޤާނޫނުތަކާއި ޤަވާއިދުތަކާއި ޚިލާފްވުމުން އަދަބުދެނީވެސް އެއީ ކުރަންޖެހޭ ކަމަކަށްވާތީއެވެ. ޒަވާޖީ ޙަޔާތުގައިވެސް މިކަން އޮތީ ހަމަ މިގޮތަށެވެ.  
އަހުރެންގެ ގާތަށް ލަފާހޯދަން އަންނަ މީހުންގެ ވާހަކަތަކަށްބަލާއިރު އެންމެ އުފަލުގައި ދިރިއުޅެވެނީ ކުރިން މިބުނި ފަދައިން އިންތައް ކަނޑައަޅައި އެއިންތަކުގައި ހިފަހައްޓައިގެން ދިރިއުޅެން މަސައްކަތްކުރާ މީހުންނަށެވެ. އިމުން ބޭރުވެއްޖެނަމަ އެކަމަށް ދޭންޖެހޭ އަދަބުވެސް ދޭ މީހުންނަށެވެ.  
ދިރިއުޅުމުގައި މިބުނި މަގުން އިންތައް ކަނޑައެޅުމަކީ އެއްވެސް ޙާލެއްގައި އަނެކާގެ މައްޗަށް ބާރާ ނުފޫޒު ހިންގުމެއްވެސް ނޫނެވެ. އެއީ ރިވެތި އަޚްލާޤް ހިފެހެއްޓުމަށްޓަކައި ކޮންމެހެން ކުރަންޖެހޭ ކަމެކެވެ. ކައިވެނި އުފަލުގައި ދެމެހެއްޓުމުގެ އެންމެ ބޮޑުބާރަކީވެސް ރިވެތި އަޚްލާޤެވެ.  
ކައިވެނިކުރުމަށްފަހު ކުރާނެ ކަމެއްކުރަން ނުވަތަ އުޅޭނެ ގޮތަކަށް އުޅެން ދޫކޮށްލައިފިނަމަ އެއިގެ މާނައަކީ ބައިވެރިޔާ ދެކެ ލޯބިނުވާކަމެވެ. ލޯބިވާނަމަ އެގޮތަކަށް ކަންންތައްތައް ދޫކޮށެއް ނުލާނެއެވެ. ޚާއްޞަކޮށް ހިލޭ އަންހެނުންނާއި ނުވަތަ ހިލޭ ފިރިހެނުންނާއި ގުޅުންހުންނަ ކަންކަމުގައި ދޫކޮށެއް ނުލާނެއެވެ.
 
- ތަޖުރިބާކާރު ޢިލްމްވެރިއެއްގެ ބަސްފުޅަކުން   
އަރުޝީފަށް ނެގީ
އެންމެފަހުން އަޕްޑޭޓްކުރީ