މިނިސްޓްރީ އޮފް ފިޝަރީޒް، އެގްރިކަލްޗަރ އެންޑް އޯޝަން ރިސޯސަސް އިން ރާއްޖޭގައި ފަރުމަސް އާލާ ކުރުމުގެ ހުނަރު ދަސްކޮށްދިނުމުގެ ބޭނުމުގައި ހިންގާ "މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމް" ގައި ބައިވެރިވުމުގެ ފުރުސަތު ހުޅުވާލައިފިއެވެ.
ފިޝަރީޒް މިނިސްޓްރީ އިން ބުނެފައިވަނީ، ފަރުމަސް އާލާކުރުމުގެ ދާއިރާއިން ބޭނުންވާ ފަންނީ ހުނަރު އުނގަންނައިދީ، އެ ދާއިރާއަށް ޝައުޤުވެރިވާ މީހުން ބިނާކުރުމަށްޓަކައި އެ ވުޒާރާއާއި މޯލްޑިވްސް މެރިން ރިސާރޗް އިންސްޓިޓިއުޓް ގުޅިގެން ހިންގާ މި ޕްރޮގްރާމްގެ މިއަހަރުގެ ދެވަނަ ކޯސް ފެށުމަށް މިހާރު ވަނީ ތައްޔާރުވެފަ ކަމަށާއި، މި އަންނަ އޯގަސްޓް މަހުގެ 8 އިން 20 އަށް މިކޯސް ހިންގުމަށް ހަމަޖެހިފައިވާ ކަމަށެވެ.
މެރިން ހެޗަރީ ޕްރޮގްރާމަކީ ސަރުކާރުން މަސްވެރިކަމުގެ ދާއިރާ ތަރައްޤީކޮށް، އިޤްތިޞާދީ ގޮތުން ސިންދަފާތުކުރުމަށާއި، މި ދާއިރާއަށް ޝައުޤުވެރިވާ ފަރާތްތަކަށް އައު ފުރުޞަތުތައް ފަހިކޮށްދިނުމުގެ މަޤްޞަދުގައި ކުރިއަށްގެންދާ ޕްރޮގްރާމެކެވެ.