މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އަށް މި ޖަނަވަރީ މަހުގެ 24 ވަނަ ދުވަހުގެ ނިޔަލަށް މަސް ކިރުވި ދޯނިތަކަށް 1.3 މިލިއަނަށްވުރެ ގިނަ ރުފިޔާ އެ ކުންފުނިން ދޫކޮށްފިއެވެ.
މިފްކޯއިން ހާމަކުރި ގޮތުގައި، މި މަހުގެ 26 ވަނަ ދުވަހު ޖަމާކޮށްދިން މި ފައިސާއަކީ 24 ޖަނަވަރީ 2026 ގެ ނިޔަލަށް މަސް ކިރުވި 56 ދޯންޏަކަށް ދޭންޖެހޭ ފައިސާއެވެ. މީގެ ތެރޭގައި ކަޅުބިލަމަހާއި ކަންނެލި މަސްވެރިކަން ކުރާ ދޯނިތައް ހިމެނޭއިރު، ޖުމްލަ 1،361،613.62 (އެއް މިލިއަން ތިން ލައްކަ ފަސްދޮޅަސް އެއް ހާސް ހަސަތޭކަ ތޭރަ ރުފިޔާ ފަސްދޮޅަސް ދެ ލާރި) ވަނީ ދޫކޮށްފައެވެ.
ފައިސާ ދޫކުރި ގޮތުގެ ތަފްސީލަށް ބަލާއިރު:
މަސްވެރިން ކިރުވާ މަހަށް 48 ގަޑިއިރުގެ ތެރޭގައި ފައިސާ ދޫކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގެ މުހިންމު ވައުދެކެވެ. މިފްކޯއިން މި ފައިސާ ދޫކޮށްފައިވަނީ އެ ސިޔާސަތުގެ ދަށުންނެވެ. ސަރުކާރުން އަންނަނީ މަސްވެރިންނަށް ފައިސާ ދޫކުރުމުގެ އިންތިޒާމުތައް ހަލުވިކޮށް، މަހަށް ހަމަ އަގު ހޯދައިދިނުމަށް ގިނަ މަސައްކަތްތަކެއް ކުރަމުންނެވެ.