ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގުޢިއްޒުގެ ވަޢުދާ އެއްގޮތަށް އިންޑިއާ ސިފައިން ވަނީ ފޮނުވާލެވިފައިވާކަމަށް ދިފާޢީ ވަޒީރު މުހައްމަދު ޣައްސާން މަޢުމޫނު ވިދާޅުވެއްޖެއެވެ.
ރައީސް މުޢިއްޒުގެ ސަރުކާރަށް 1 އަހަރު ފުރުމާ ގުޅިގެން ޕީއެސްއެމް ނިއުސްއިން ގެނެސްދިން "ހަފްތާ 52" ޕްރޮގްރާމުގައި ވާހަކަފުޅު ދައްކަވަމުން ދިފާޢީ ވަޒީރު ވިދާޅުވި ގޮތުގައި މިދިޔަ އަހަރުގެ އެންމެ ބޮޑު ކާމިޔާބީއަކީ ބޭރު އަސްކަރިއްޔާއެއް ރާއްޖޭގައި ނެތްކަން ކަށަވަރުކުރުމެވެ. އަދި ރައީސް މުޢިއްޒުގެ ވަޢުދާ އެއްގޮތަށް އިންޑިއާ ސިފައިން ފޮނުވާލެވުނު ކަމަށް އެމަނިކުފާނު ފާހަގަކުރެއްވިއެވެ."އަޅުގަނޑުމެން މިހާރު މި މަސައްކަތްކުރަނީ ރާއްޖޭގެ މިނިވަންކަމާއި އިސްތިޤްލާލް ހިމާޔަތްކޮށް، އަސްކަރިއްޔާ ވަރުގަދަކުރުމަށް," ދިފާޢީ ވަޒީރު ވިދާޅުވިއެވެ. އަދި "ރާއްޖެ ފުރަތަމަ" އުސޫލުގެ ދަށުން ބޭރު ޤައުމުތަކާއެކު މަސައްކަތްކުރެވޭ ކަމަށާއި، ދިވެހިންގެ ނިންމުންތައް ނިންމާނީ ދިވެހިން ކަމަށްވެސް އެމަނިކުފާނު ވިދާޅުވިއެވެ.މި ބަދަލާއެކު، ރާއްޖޭގެ މިނިވަންކަމާއި ސިޔާދަތު ހިމާޔަތްކުރުމަށް ސަރުކާރުން ގެންގުޅޭ ސިޔާސަތު އިތުރަށް ހަރުދަނާވެގެންދާނެ ކަމަށް ބެލެވެއެވެ. އަދި ރާއްޖޭގެ ދިފާޢީ ޤާބިލުކަން އިތުރުކުރުމަށް ކުރެވޭ މަސައްކަތްތައް އަވަސްވެގެންދާނެ ކަމަށްވެސް ލަފާކުރެވެއެވެ.