ކޮންމެ ކަމެއް ކުރަންވެސް އޮތީ ވަކި މިންވަރަކަށެވެ! އެއްވެސް ކަމެއް މާބޮޑަށް ކުރަން އުޅެފިނަމަ ލިބޭ ގެއްލުން މާބޮޑުވާނެއެވެ. ރޭއަޅުކަން ފަދަ އަޅުކަންކުރުމުގައިވެސް ސުންނަތް ނަމާދުތަކުގައި ރަކްޢަތް ގިނަކުރުމާއި ނަމާދު ދިގުކުރުމުގައިވެސް އޮތީ އެމީހަކަށް ކެރިކުޅަދާނަވާ ވަރަކަށް އެކަންކުރުމެވެ. ﷲ ތަޢާލާ މީސްތަކުންގެ ކިބައިން އެދިވޮޑިގަންނަވަނީވެސް މިބުނި މަގުން ޢަމަލުކުރުމަށެވެ. 
ދެން މިބަޔާންކުރަނީ މާގިނައިން އެކަންކަން ނުކުރަންބުނެ ގިނަ ބައަކު ހާމަކުރާ ބައެއް ކަންކަމެވެ. އަދި އެކަންކަން މާގިނައިން ކުރުމުން ލިބޭނެ ގެއްލުމެވެ. 
- މާގިނައިން ވާހަކަ ނުދައްކާށެވެ! ބޭކާރު ވާހަކަ ދެކެވި ދައްކާ ވާހަކައިގެ ފެންވަރު ދަށްވާނެއެވެ. ދޮގުބުނެވުންވެސް ކައިރިވާނެއެވެ. 
- އެއްވެސް ކަމަކާ މާބޮޑަށް ވިސްނޭނަމަ މާޔޫސްބަލީގެ ޝިކާރައަކަށްވާންޖެހުން ކައިރިވާނެއެވެ. 
- މާގިނައިން ރުއިމަކީ ލޮލުގެ ފެނުން ގެއްލޭ ކަމެކެވެ. 
- މީހަކަށް މާބޮޑަށް ސަމާލުކަންދޭނަމަ ނަހަމަ ގޮތުގައި ތިބާގެ ބޭނުން ހިފުމުގެ ފުރުޞަތު ބޮޑުވާނެއެވެ. 
- މީހަކަށް މާބޮޑަށް އިތުބާރުކޮށްފިނަމަ ލަނޑުދިނުން ގާތްވާނެއެވެ. 
- މާގިނައިން، (ހަށިގަނޑަށް ކުޅަދާން ނުވާ ވަރަށް) މަސައްކަތްކުރުމަކީ އަވަހަށް މުސްކުޅިވެ ގައިބާރު ދެރަވާ ކަމެކެވެ. 
- މާބޮޑަށް މޭކަޕްކުރާނަމަ ތިބާގެ ޙަޤީޤީ ސިފައާ ރީތިކަން ގެއްލިގެންދާނެއެވެ. 
 
 
- މިއަދުނޫސް