ކޮންގްރެސް ޕާޓީން މިރޭ ބޭއްވި ހަރުގެ ޖަލްސާގައި ވާހަކަދައްކަވަމުން މޫސާ އަލީ ޖަލީލް ވިދާޅުވީ، އޭނާ މިއަދު ރައްޔިތުންގެ ކުރިމައްޗަށް ހުއްޓި ހުރީ މާލެ ސިޓީގެ މުސްތަޤްބަލް ބިނާކުރުމުގެ ފުރިހަމަ ޕްލޭންތަކަކާއި އެކުގައިކަމަށެވެ.
"ތިޔަބޭފުޅުންނަށް އަޅުގަނޑު އަރުވާ ޔަގީންކަމަކީ އަޅުގަނޑަކީ ކަންކުރާނެ މީހެއްކަން. ހުވަފެންތައް ހަގީގަތަކަށް ބަދަލުކުރާނެ މީހެއްކަން. ފާއިތުވެދިޔަ ތަނުގަ ކަންކުރި ފަދައިން ކުރިއަށް އޮތް ތަނުގައިވެސް އުސޫލުތައް ދަމަހައްޓާނެ، ނަތީޖާ ނެރެދޭނެ އިހްލާސްތެރިއެއްކަން." މޫސާ އަލީ ޖަލީލް ވިދާޅުވިއެވެ.