ހއ. އުލިގަމުގައި ޔޮޓް މެރީނާއެއް ޑިޒައިންކުރުމާއި އިމާރާތްކޮށްދޭނެ ފަރާތެއް ހޯދުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އިއުލާނުކޮށްފި އެވެ.އެ އިއުލާނުގައި ބުނީ އުލިގަން ޔޮޓް މެރީނާ ޑިޒައިންކުރުމާއި އިމާރާތް ކޮށްދޭނެ ފަރާތެއް ހޯދުމަށް ބޭނުންވާ ކަމަަށާއި އެ ކަމަށް ޝައުގުވެރިވާ ފަރާތްތަކުން ކަނޑައެޅިފައިވާ ތާރީހަށް އަންދާސީ ހިސާބު ހުށަހެޅުމަށް އެދޭ ކަމަށެވެ. އެ މަސައްކަތަށް އަގު ހުށަހެޅުމުގެ ސުންގަޑިއަކީ އަންނަ ހޯމަ ދުވަހުގެ މެންދުރު ފަހު 1:00 ކަމަށް އެ އިއުލާނުގައި ބުންޏެވެ. އިތުރަށް ކިޔާލަން: ސަރުކާރަށް ދެ އަަހަރު؛ އުލިގަމު ޔޮޓު މެރީނާގެ ހިލަމެއް ނެތް!ބިޑް ހުށަހަޅާއިރު އަގު ހުށަހަޅާ ފޯމުގެ އިތުރުން، އެ ދާއިރާއިން ލިބިފައިވާ ތަޖުރިބާ އާއި މައުލޫމާތު ޝީޓުގައި ބަޔާންކޮށްފައިވާ އެންމެހައި ލިޔެކިޔުންތައް ހުށަހަޅަން ޖެހެއެވެ. އެމްޕީއެލް އިން ބުނި ގޮތުގައި، ބިޑްތަކަށް ރަޖިސްޓަރީ ވުމުގެ ކުރިން އެ ކުންފުނީގެ ސަޕްލަޔަރ ޕޯޓަލްގައި ރަޖިސްޓަރީ ވާންޖެހޭނެ އެވެ.އުލިގަމުގައި ޔޮޓް މެރީނާއެއް ތަރައްގީކުރަން ނިންމައި އެމްޕީއެލްއާ އެކު އެމްއޯޔޫއެއްގައި ސޮއިކުރިކަން ރައީސް ޑރ. މުހައްމަދު މުއިއްޒު އިއުލާންކުރެއްވީ މިދިޔަ އަހަރުގެ ޖެނުއަރީ މަހު ހއ. އަތޮޅަށް ކުރެއްވި ދަތުރުފުޅުގައި އުލިގަމުގެ ރައްޔިތުންނާ ބައްދަލުކުރައްވަން ބޭއްވި ބައްދަލުވުމުގަ އެވެ.